Íslenski boltinn

Arnar telur að Kristall Máni verður seldur á næstu dögum

Runólfur Trausti Þórhallsson skrifar
Kristall Máni hefur verið frábær á leiktíðinni.
Kristall Máni hefur verið frábær á leiktíðinni. Vísir/Hulda Margrét

Arnar Gunnlaugsson, þjálfari Íslands- og bikarmeistara Víkings, telur nær öruggt að Kristall Máni Ingason verði seldur erlendis í félagaskiptaglugganum sem er nú opinn.

Staðfesti Arnar þetta í viðtali við Fótbolti.net eftir að dregið var í 8-liða úrslit Mjólkurbikars karla, þar drógust Víkingar gegn KR. 

Arnar er ekki bjartsýnn að Kristall Máni klári tímabilið með Víkingum.Vísir/Hulda Margrét

Félagaskiptaglugginn hér á landi opnaði í gær og lokar þann 26. júlí, það er ljóst að þjálfari Víkinga telur að Kristall Máni verður farinn af landi brott áður en 27. júlí gengur í garð.

„Ég segi ekki ef heldur þegar hann fer. Logi (Tómasson) kom sterkur inn þegar hann fékk tækifærið á miðjunni í síðasta leik. Sem þjálfari viltu hafa sem flesta leikmenn,“ sagði Arnar um mögulega brottför Kristals Mána og hélt áfram.

„Ég held það sé engin spurning, kæmi mér verulega á óvart ef það gerðist ekki. Held það sé engin spurning að hann sé að fara út.“

Víkingar mæta KR ekki aðeins í 8-liða úrslitum Mjólkurbikarsins en liðin mætast einnig annað kvöld á Meistaravöllum í Vesturbæ Reykjavíkur í Bestu deild karla. Um er að ræða færðan leik og búast má við miklum látum eins og nær alltaf þegar þessi lið mætast.

Leikur KR og Víkings hefst klukkan 19.15 og verður sýndur beint á Stöð 2 Sport.

Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.

Fótbolti Íslenski boltinn Besta deild karla Víkingur Reykjavík

Mest lesið


Fleiri fréttir

Sjá meira


×

Mest lesið