Þetta kemur fram í frétt hjá Austurfréttum. Þar er haft eftir Aðalsteini Þórhallssyni framkvæmdastjóra HEF veitna að aðrennslispípa fyrir nýrri virkjunina hafi farið í sundur og um leið rofið vatnslögn HEF.
Verið sé að kanna umfang skemmdanna en af myndum sem Ómar Bogason hefur birt á Facebook að dæma hefur talsverður jarðvegur hrunið fram af lögninni.
Aðalsteinn segir í samtali við Austurfrétt að virkjunarlögnin sé á kafi í jarðvegi. Undirbúningur sé hafinn að viðgerð og líklegt að hún muni standa fram á nótt.
