Íslenski boltinn

Sleit kross­band í hné í sínum fyrsta deildar­leik fyrir ÍBV

Runólfur Trausti Þórhallsson skrifar
Sydney Carr (til vinstri) ásamt Haley Thomas og Ameera Hussen.
Sydney Carr (til vinstri) ásamt Haley Thomas og Ameera Hussen. ÍBV Sport

Sydney Nicole Carr hóf feril sinn með ÍBV í Bestu deild kvenna í fótbolta á versta mögulega hátt. Hún sleit krossband í hné og var tekin af velli eftir rétt rúmlega tíu mínútna leik. Hún spilar ekki meira á tímabilinu.

Sydney Carr gekk í raðir ÍBV seint á síðasta ári og átti að hjálpa til við að bæta sóknarleik liðsins eftir að hafa raðað inn mörkum í bandaríska háskólaboltanum. Sydney var á sínum tíma valin í bæði U-17 og U-19 ára landslið Bandaríkjanna á sínum tíma.

Sydney hafði leikið fjóra leiki með ÍBV í Lengjubikarnum og var svo í byrjunarliði liðsins þegar Stjarnan kom í heimsókn til Vestmannaeyja í 1. umferð Bestu deildar kvenna. Varð hún fyrir því óláni að meiðast illa upphafi leiks og var í kjölfarið tekin af velli.

Samkvæmt heimildum Vísis kom í kjölfarið í ljós að um slitið krossband í hné væri að ræða og ljóst að Sydney Carr spilar ekki meira með ÍBV í sumar.

Íþróttadeild Vísis spáði ÍBV 7. sæti Bestu deildar kvenna í ár. Þegar tveimur umferðum er lokið eru Eyjakonur með eitt stig eftir að hafa gert 1-1 jafntefli við Stjörnuna og tapað 0-1 gegn Selfossi en báðir leikir fóru fram í Eyjum.

Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.

Fótbolti Íslenski boltinn ÍBV Besta deild kvenna

Mest lesið


Fleiri fréttir

Sjá meira


×

Mest lesið