„Þetta er bara ónýt hugmynd“

Í þættinum er föðurhlutverkið, peningar, foreldrahlutverkið, streita og uppsetning samfélagsins rætt en þáttin má heyra í heild sinni hér að neðan:

Segir uppsetningu kerfisins vera ónýta hugmynd

„Þetta er bara ónýt hugmynd,“

segir hann um hugmyndafræðina og skipulagið á bakvið leikskólastarf í dag. Hann segist vera mjög upptekinn að leikskólanum því leikskólakennarar þurfi að fá sömu laun og framhaldsskóla kennarar. 

Andrea bætir því við að það þurfi að mæta leikskólakennurum af þeirri virðingu sem þeir eiga skilið. Þeir hugsi um lítil börn meirihluta dagsins, oft stærri hluta af deginum en foreldrarnir sjálfir.

Tvær ömurlegar ákvarðanir

Ólafur segir tvær ömurlegar ákvarðanir hafa verið teknar af ríkinu í tengslum við leikskólamál á þessari öld. 

„Fyrsta að lengja námið úr þremur árum í fimm,“

segir hann um námið til leikskólakennara og að margir séu sammála því. Önnur ömurleg ákvörðun segir hann hafa verið að kennarar megi flakka á milli leikskólastiga og segir það hafa haft þær afleiðingar að þrjú hundruð hafi fært sig úr leikskólanum en hundrað komið inn í staðin.

Streita tengd peningum, vinnu og leikskólaplássi

„Við þurfum bara foreldra sem eru ekki stressaðir,“ 

segir hann um uppsetningu samfélagsins í dag. Hann bætir því við að streita foreldra geti haft áhrif á börnin bæði á meðgöngunni sjálfri og eftir fæðingu. Hann segir verkefni samfélagsins eiga vera að hjálpa einstaklingum að líða vel í foreldrahlutverkinu. 

Andrea bætir því við að botninn á þessu öllu sé þessi tími sem foreldrar þurfi til þess að vera í sambandinu. Ró, friður og kerfi sem heldur utan um einstaklinga og hlúir að foreldrum og börnum.