Middlesbrough mun gefa allan ágóðan af bikarleiknum til Úkraínu

Frá þessu var greint á opinberri heimasíðu Middlesbrough, en Andy McDonald, þingmaður félagsins, mun ganga úr skugga um að pen­ing­ur­inn ber­ist á rétt­an stað og hafi sem mest áhrif.

„Fyr­ir hönd íbúa Midd­les­brough og Teessi­de mun knatt­spyrnu­fé­lag Midd­les­brough gefa all­an ágóða af sín­um hluta miðasöl­unn­ar á leik liðsins gegn Chel­sea í sjöttu um­ferð FA-bik­ars­ins til mannúðaraðstoðar í Úkraínu,“ segir meðal annars í tilkynningu Middlesbrough.

„Þingmaður fé­lags­ins, Andy McDon­ald, mun aðstoða við að tryggja áreiðan­leika söfn­un­ar­inn­ar til að ganga úr skugga um að pen­ing­ur­inn ber­ist á rétt­an stað og hafi sem mest áhrif.“

Middlesbroughhefur farið erfiðu leiðina að átta liða úrslitum FA-bikarsins, en liðið hefur slegið úrvalsdeildarfélögin Manchester United og Tottenham úr leik. Ekki verður verkefnið auðveldara þegar liðið tekur á móti Evrópumeisturum Chelsea á morgun, en leikurinn hefst klukkan 17:15 og verður í beinni útsendingu á Stöð 2 Sport 3.