Innrás Rússa í Úkraínu

Innrás Rússa í Úkraínu

Fréttir af yfirstandandi innrás Rússa í Úkraínu sem hófst 24. febrúar 2022.

Fréttamynd

Á­rás á höfuð­stöðvar Öryggis­stofnunar Úkraínu

Rússneskur sjálfsprengidróni hæfði í dag höfuðstöðvar úkraínsku leyniþjónustunnar sem kallast Öryggisstofnun Úkraínu (SBU). Forseti Úkraínu segir að drónanum hafi verið miðað á skrifstofu yfirmanns leyniþjónustunnar og að leiðtogum SBU hafi verið skipað að svara fyrir sig með sambærilegum hætti.

Erlent

Fréttir í tímaröð

Fréttamynd

Á­sakanir á víxl milli leyni­þjónusta eftir skot­hríð í Kænu­garði

Forsvarsmenn leyniþjónustu úkraínska hersins (GUR) segja umfangsmikla rægingarherferð gegn stofnuninni í gangi. Það er eftir að til skotbardaga kom á milli starfsmanna GUR og starfsmanna Öryggisstofnunar Úkraínu (SBU) á götum Kænugarðs í gær. Vólódímír Selenskí, forseti, hefur fordæmt atvikið, sagt upp einum af forsvarsmönnum SBU og krafist þess að skotbardaginn verði rannsakaður ítarlega.

Erlent
Fréttamynd

Full­trúar rúss­neska sendi­ráðsins kallaðir á teppið

Fulltrúi rússneska sendiráðsins var kallaður til fundar í utanríkisráðuneytinu í morgun þar sem alvarlegar athugasemdir voru gerðar við framferði Rússlands og fjölþáttaaðgerðir landsins í kjölfar drónaatviks í Þýskalandi í lok ágúst. Utanríkisráðherra segir að samstaða Íslands með Þýskalandi hafi verið áréttuð eftir drónaatvik.

Innlent
Fréttamynd

Løkke kallar rúss­neska sendi­herrann á teppið

Lars Løkke Rasmussen, utanríkisráðherra Danmerkur, hefur boðað sendiherra Rússlands þar í landi á sinn fund í dag. Løkke segist ætla að ræða sjálfsprengidróna sem fundust á flugvelli í Þýskalandi í síðasta mánuði en ráðamenn í Þýskalandi sögðu í gær að Rússar bæru ábyrgð á þeim og að um fjölþáttaárás væri að ræða.

Erlent
Fréttamynd

Pútín segir Rúss­land vera að vinna stríðið

Vladimír Pútín Rússlandsforseti fullyrðir að Rússland sé að vinna stríðið í Úkraínu. Rússneskar hersveitir sækji sífellt hraðar fram í stríðinu sem staðið hefur yfir síðan Rússar gerðu allsherjarinnrás í Úkraínu árið 2022.

Erlent
Fréttamynd

Mann­skæðar á­rásir á Kænugarð sjö­ttu nóttina í röð

Rússar gerðu í nótt umfangsmiklar árásir á Kænugarð og nærliggjandi svæði í Úkraínu, sjöttu nóttina í röð. Að minnsta kosti tólf létu lífið í árásunum en forseti Úkraínu segir nauðsynlegt fyrir Úkraínumenn að fá fleiri flugskeyti sem hægt er að nota gegn skotflaugum. Auk skotflauga notuðust Rússar einnig við þotuknúna sjálfsprengidróna og gerðu einnig árásir á Odesa við suðurströnd landsins.

Erlent
Fréttamynd

Segir af sér eftir á­rekstra við Hegseth

Daniel P. Driscoll, hermálaráðherra Bandaríkjanna, hefur sagt af sér í kjölfar árekstra við Pete Hegseth varnarmálaráðherra sem hefur látið reka þaulreynda leiðtoga úr Bandaríkjaher síðustu mánuði.

Erlent
Fréttamynd

„Þeir munu hengja mig“

Vladimír Pútín óttast það að binda enda á stríðið gegn Úkraínu án þess að ná fullum tökum á Donbas-svæðinu svokallaða. Hann er sagður telja að hann yrði ráðinn af dögum ef hann gerði það og þess í stað ætlar hann að leggja enn meira í stríðsreksturinn.

Erlent
Fréttamynd

Minnst þrjá­tíu og sjö látin eftir á­rás Rússa

Í það minnsta þrjátíu og sjö eru látin eftir drónaárás Rússa vestan við Kænugarð í nótt. Fjörutíu og tvö eru slösuð, þar á meðal fjögur börn, segja yfirvöld á staðnum. Tæp fjögur hundruð hafa verið flutt af svæðinu í kjölfar árásarinnar.

Erlent
Fréttamynd

Varaði Rússa við því að ráðast á NATO

Óvænt heimsókn yfirmanns Leyniþjónustu Bandaríkjanna (CIA) til Moskvu vakti nokkra athygli í vikunni. Þangað fór hann til að vara ráðamenn í Rússlandi við því að gera árás á ríki Atlantshafsbandalagsins eða jafnvel innrás í Eystrasaltsríki.

Erlent
Fréttamynd

Vilja frið en ætla ekki að gefast upp

Úkraínumenn vilja frið en ætla ekki að öðlast hann með því að gefast upp fyrir Rússum. Vólódímír Selenskí, forseti Úkraínu, segir að Vladimír Pútín, forseti Rússlands, hafi vanmetið úkraínsku þjóðina verulega.

Erlent
Fréttamynd

Færir Selenskí eldflaugateikningar

Andy Burnham, nýr forsætisráðherra Bretlands, ferðaðist í morgun til Kænugarðs í Úkraínu. Er það hans fyrsta opinbera heimsókn frá því hann tók við embætti í síðasta mánuði en þangað fór hann með teikningar af breskum og frönskum stýriflaugum sem hann ætlar að afhenda Vólódímír Selenskí, forseta Úkraínu.

Erlent
Fréttamynd

Leysa upp nýja drónahersveit sem átti að læra af Úkraínumönnum

Forsvarsmenn herafla Bandaríkjanna hafa ákveðið að hætta tilraunum með sérstaka drónahersveit, sem hefur verið staðsett í Evrópu, og reynt að læra af reynslu Úkraínumanna. Hermennirnir eiga að snúa sér aftur að grunngildum sínum sem fótgönguliðar en eiga að miðla reynslu sinni til yfirmanna hersins.

Erlent
Fréttamynd

Rúmenar grönduðu drónabát nærri borpalli

Ráðamenn í Rúmeníu sendu í morgun F-16 orrustuþotu til að granda drónabát sem sást í nokkur hundruð metra fjarlægð frá mikilvægum borpalli á Svartahafi. Rúmenar kenna Rússum um atvikið, sem Ursula von der Leyen, forseti framkvæmdastjórnar Evrópusambandsins, segir lið í blönduðum hernaði.

Erlent
Fréttamynd

Rýnt í stöðuna í Úkraínu: Rekinn vegna við­vörunar um „samfélagskrísu“ í Rúss­landi

Rússum hefur ekki vegnað vel á víglínunni í Úkraínu í sumar og hafa lítið sótt fram en þó eitthvað og á nokkrum stöðum. Framsókn þeirra hefur að mestu verið bundin við víglínuna norður af Pokrovsk og í Dónetsk-héraði. Færa má þó rök fyrir því að þungamiðja stríðsins sé ekki lengur víglínan og að staðan þar skipti minna máli en langdrægar árásir Rússa og Úkraínumanna.

Erlent
Fréttamynd

Kanye treður upp í Rúss­landi

Rapparinn Ye, betur þekktur sem Kanye, West heldur tvenna tónleika í Sankti Pétursborg í Rússlandi í október. West er stærsti tónlistarmaðurinn sem treður upp í landinu síðan Rússar réðust inn í Úkraínu í febrúar 2022. Á síðustu árum hafa nöfn á borð við Jason Derulo, DaBaby, Flo Rida, Akon og Timbaland komið þar fram.

Tónlist
Fréttamynd

Nýtt spillingarmál skekur Kænugarð

Vólódímír Selenskí, forseti Úkraínu, hefur rekið aðstoðarskrifstofustjóra sinn eftir að tilkynnt var að hún væri til rannsóknar í nýju spillingarmáli. Einn fyrrverandi þingmaður og yfirmaður hjá úkraínskum ríkisbanka eru einnig til rannsóknar vegna gruns um spillingu.

Erlent

Mest lesið