Aðalstjarna Golden State Warriors liðsins meiddist í leik á móti Boston Celtics þegar hann var í baráttunni um lausan bolta við Marcus Smart.
Eftir myndatökur þá eru forráðamenn Golden State bjartsýnir á að Curry verði orðinn góður fyrir úrslitakeppnina en liðið þarf að vera án hans næstu vikurnar. Curry er tognaður á vinstri fæti en virðist hafa sloppið við alvarlegri meiðsli.
ESPN story on initial optimism that Golden State's Steph Curry (foot sprain) will return before the start of the Western Conference playoffs: https://t.co/1njPPgGEKg
— Adrian Wojnarowski (@wojespn) March 17, 2022
Curry mun þó fara í frekari rannsóknir og Golden State er meðal annars að ráðfæra sig við sérfræðinginn Dr. Richard Ferkel sem er mjög virtur í faginu.
Þjálfarinn Steve Kerr og fyrirliðinn Draymond Green voru ekki sáttir með skutlu Marcus Smart en létu sér þó bara nægja að kalla þetta hættulegt og ónauðsynlegt.
When asked if Marcus Smart s dive that injured Steph Curry was a dirty play, Draymond Green acknowledged that it was maybe unnecessary https://t.co/7LoMatjScZ
— Sports Illustrated (@SInow) March 17, 2022
Golden State Warriors gengur mjög illa að halda öllum sínum stjörnuleikmönnum heilum því Draymond Green var nýkominn til baka þegar Curry meiddist.
Curry, Green og Klay Thompson hafa sem dæmi aðeins náð samtals ellefu mínútum inn á vellinum á þessu tímabili.
