Anthony Davis frá í minnsta kosti fjórar vikur

Davis tognaði illa á ökkla í sigurleik á Utah Jazz á miðvikudaginn og yfirgaf íþróttahúsið á hækjum.

Eftir myndatöku kom í ljós að hann var ekki brotinn en illa tognaður. Læknalið Lakers ætlar að meta stöðuna eftir fjórar vikur.

Davos verður því frá í minnsta kosti fjórar vikur. Hann missti af sautján leikjum í röð frá desember til janúar en þá tognaði hann á hné.

Lakers er í harðri baráttu um sæti í úrslitakeppninni og situr nú bara í níunda sæti með fjóra fleiri tapleiki en sigurleiki.

Lakers með spila níu leiki fram að 18. mars sem eru tímamörkin sem læknalið Lakers gefur sér til að meta stöðuna á Davis.

Anthony Davis er með 23,1 stig, 9,7 fráköst og 2,3 varin skot í leik í vetur en hann hefur spilað 37 leiki eða einum meira en hann náði á síðustu leiktíð þar sem hann var líka mikið meiddur.