Senda neyðar­kall á starfs­fólk Land­spítala vegna mann­eklu

Í fréttatilkynningu frá Landspítala segir að mikill fjöldi starfsfólks glími nú við veikindi og fjarvistir sem tengjast Covid-19. Þess vegna bráðvanti hjúkrunarfræðinga og sjúkraliða til þess að koma inn og taka aukavaktir núna yfir helgina, 4.-6. febrúar.

Sér í lagi á meltingar- og nýrnadeild og kviðarhols- og þvagfæraskurðdeild, en einnig vanti fólk víðar. 

Þess vegna hafi verið gripið til þess ráðs að senda út svokallað neyðarkall á starfsfólk Landspítala.