Árni Þórður enn sofandi í öndunarvél Jakob Bjarnar skrifar 10. janúar 2022 11:05 Þeir feðgar við tímamót í lífi fjölskyldunnar, við undirritun þegar Árni Þórður keypti sína fyrstu íbúð. Sigurður segir að þó staðan sé að mestu óbreytt sé vonin enn til staðar. Líðan Árna Þórðar sonar Sigurðar Þ. Ragnarssonar bæjarfulltrúa í Hafnarfirði, sem betur er þekktur sem veðurfréttamaðurinn Siggi stormur, er óbreytt. En faðir hans og fjölskylda heldur í vonina. „Það er ekkert að frétta. Allt við það sama,“ segir Sigurður í samtali við Vísi. Árna Þórði er haldið sofandi í öndunarvél. Vísir greindi frá því síðla í desember að hann væri á sjúkrahúsi vegna alvarlegrar líffærabilunar. Fjölskyldan er þó vongóð. Siggi segir að þegar svona er gerast allar breytingar í hænuskrefum og þá í rétt átt. „Hann er enn í sama ástandi, í lífshættu og allt það en þeir segja doktorarnir að góð von sé ennþá. Einn læknirinn orðaði það svo: við ætlum að ná honum í gegnum þetta. Það var hughreystandi setning þó maður sé meðvitaður um alvarleikann,“ segir Siggi nú. Hann veit ekki hvað veldur því að syni hans er haldið sofandi, það séu fræði sem eru honum framandi. En hann geri ráð fyrir að það hafi eitthvað með verki að gera. „Drengurinn var mjög hraustur, 29 ára gamall þegar þetta kom til en hann verður nokkra stund að ná sér. Þegar hann kemst í gegnum þetta tekur við uppbyggingarfasi sem talinn er í mánuðum.“ Breytt afstaða til lífsins Sigurður segir að ekki þurfi mikið til að gleðja. Hvert örstutt spor í rétta átt telji. En þetta hafi óneitanlega verið erfið jól og áramót. Þau hjónin héldu lágstemmd jól með hinum sonum sínum tveimur en voru ein um áramót. Þau þurfa að halda lítilli kúlu vegna sóttvarna, það er heimsóknarbann en þegar um svo mikil veikindi er um að ræða er leyfð undanþága en þá verði gestir að klæðast sérstökum sóttvarnarbúningi. Landspítalinn í Fossvogi. Árna Þórði er enn haldið sofandi í öndunarvél en þangað var hann fluttur í síðasta mánuði vegna alvarlegrar líffærabilunar.Vísir/Vilhelm „Þetta nagar mann inn að beini. Maður er orkulaus en maður er að reyna að halda fókusi að lágmarksafli, sinna því sem maður getur sinnt. Annað verður að bíða um sinn. Allt sem getur beðið bíður,“ segir Sigurður. Hann segir að þessi lífsreynsla hafi breytt sér. „Maður hugsar lífið uppá nýtt. Maður hefur verið á miklum hraða í gegnum þetta líf, svo er tekið svona harkalega í handbremsuna og þá áttar maður sig á því að krónur og aurar skipta ekki máli heldur fjölskyldan og þeir sem standa manni næst. Maður er breyttur maður. Það er fréttin í þessu. Stundum sagt að öll áföll styrki mann, ég veit ekki hvort það eigi við. Maður rígheldur í vonina. Hann nær sér strákurinn, ég trúi ekki öðru.“ Góðir straumar skipta miklu máli Sigurður kallaði eftir góðum straum frá vinum á Facebook og hann segir að ekki hafi staðið á þeim. Hann finnur vel fyrir góðum hug og þá skipti reynslusögur sem fjölskyldunni hefur borist miklu máli, af fólki sem hefur lent í svipaðri stöðu. „Þessi tími sem hann hefur verið í öndunarvél er ekkert svo langur miðað við marga aðra. Sem hefur svo endað vel. Þær sögur eru draumur. Á hverjum einasta degi eru manni sendar hvatningarkveðjur,“ segir Sigurður. Hann segist afar þakklátur fyrir góða strauma. „Fólk er að stoppa mann úti á götu og endar ætíð á því að segja að hann sé í öllum þeirra bænum. Þetta skiptir allt máli. Lífið er öðru vísi. En maður yrði brjálaður ef maður reyndi ekki að dreifa huganum. Ég er samt eirðarlaus.“ Landspítalinn Hafnarfjörður Mest lesið Greindi þátt almennings og fjölmiðla í máli „strokufangans“ Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Vonar að Rauði krossinn endurskoði afstöðu sína Innlent Segir ásakanir kjaftæði og íhugar meiðyrðamál Innlent „Þurfum að huga að forvörnum“ Fréttir Allt að sautján stiga hiti í dag Veður Fleiri fréttir Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Sjá meira
„Það er ekkert að frétta. Allt við það sama,“ segir Sigurður í samtali við Vísi. Árna Þórði er haldið sofandi í öndunarvél. Vísir greindi frá því síðla í desember að hann væri á sjúkrahúsi vegna alvarlegrar líffærabilunar. Fjölskyldan er þó vongóð. Siggi segir að þegar svona er gerast allar breytingar í hænuskrefum og þá í rétt átt. „Hann er enn í sama ástandi, í lífshættu og allt það en þeir segja doktorarnir að góð von sé ennþá. Einn læknirinn orðaði það svo: við ætlum að ná honum í gegnum þetta. Það var hughreystandi setning þó maður sé meðvitaður um alvarleikann,“ segir Siggi nú. Hann veit ekki hvað veldur því að syni hans er haldið sofandi, það séu fræði sem eru honum framandi. En hann geri ráð fyrir að það hafi eitthvað með verki að gera. „Drengurinn var mjög hraustur, 29 ára gamall þegar þetta kom til en hann verður nokkra stund að ná sér. Þegar hann kemst í gegnum þetta tekur við uppbyggingarfasi sem talinn er í mánuðum.“ Breytt afstaða til lífsins Sigurður segir að ekki þurfi mikið til að gleðja. Hvert örstutt spor í rétta átt telji. En þetta hafi óneitanlega verið erfið jól og áramót. Þau hjónin héldu lágstemmd jól með hinum sonum sínum tveimur en voru ein um áramót. Þau þurfa að halda lítilli kúlu vegna sóttvarna, það er heimsóknarbann en þegar um svo mikil veikindi er um að ræða er leyfð undanþága en þá verði gestir að klæðast sérstökum sóttvarnarbúningi. Landspítalinn í Fossvogi. Árna Þórði er enn haldið sofandi í öndunarvél en þangað var hann fluttur í síðasta mánuði vegna alvarlegrar líffærabilunar.Vísir/Vilhelm „Þetta nagar mann inn að beini. Maður er orkulaus en maður er að reyna að halda fókusi að lágmarksafli, sinna því sem maður getur sinnt. Annað verður að bíða um sinn. Allt sem getur beðið bíður,“ segir Sigurður. Hann segir að þessi lífsreynsla hafi breytt sér. „Maður hugsar lífið uppá nýtt. Maður hefur verið á miklum hraða í gegnum þetta líf, svo er tekið svona harkalega í handbremsuna og þá áttar maður sig á því að krónur og aurar skipta ekki máli heldur fjölskyldan og þeir sem standa manni næst. Maður er breyttur maður. Það er fréttin í þessu. Stundum sagt að öll áföll styrki mann, ég veit ekki hvort það eigi við. Maður rígheldur í vonina. Hann nær sér strákurinn, ég trúi ekki öðru.“ Góðir straumar skipta miklu máli Sigurður kallaði eftir góðum straum frá vinum á Facebook og hann segir að ekki hafi staðið á þeim. Hann finnur vel fyrir góðum hug og þá skipti reynslusögur sem fjölskyldunni hefur borist miklu máli, af fólki sem hefur lent í svipaðri stöðu. „Þessi tími sem hann hefur verið í öndunarvél er ekkert svo langur miðað við marga aðra. Sem hefur svo endað vel. Þær sögur eru draumur. Á hverjum einasta degi eru manni sendar hvatningarkveðjur,“ segir Sigurður. Hann segist afar þakklátur fyrir góða strauma. „Fólk er að stoppa mann úti á götu og endar ætíð á því að segja að hann sé í öllum þeirra bænum. Þetta skiptir allt máli. Lífið er öðru vísi. En maður yrði brjálaður ef maður reyndi ekki að dreifa huganum. Ég er samt eirðarlaus.“
Landspítalinn Hafnarfjörður Mest lesið Greindi þátt almennings og fjölmiðla í máli „strokufangans“ Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Vonar að Rauði krossinn endurskoði afstöðu sína Innlent Segir ásakanir kjaftæði og íhugar meiðyrðamál Innlent „Þurfum að huga að forvörnum“ Fréttir Allt að sautján stiga hiti í dag Veður Fleiri fréttir Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Sjá meira