Innlent

Innbrot og eignaspjöll

Hólmfríður Gísladóttir skrifar
Í nótt var ökumaður stöðvaður á Hafnarfjarðarvegi en hann er grunaður um akstur undir áhrifum, ítrekaðan akstur sviptur ökuréttindum og vörslu fíkniefna.
Í nótt var ökumaður stöðvaður á Hafnarfjarðarvegi en hann er grunaður um akstur undir áhrifum, ítrekaðan akstur sviptur ökuréttindum og vörslu fíkniefna. Vísir/Vilhelm

Nokkuð var um innbrot og eignaspjöll á höfuðborgarsvæðinu í gær og þá voru nokkrir ökumenn stöðvaðir grunaðir um akstur undir áhrifum áfengis eða fíkniefna.

Um klukkan 18 í gær var tilkynnt um eignaspjöll í Hlíðahverfi en þar var búið að stinga gat á hjólbarða bifreiðar. 

Skömmu síðar var tilkynnt um innbrot og þjófnað í verslunarmiðstöð í Seljahverfi. Þar var rúða brotin í útihurð verslunar og farið inn. Ekki er vitað hverju var stolið.

Upp úr klukkan 19 var síðan tilkynnt um innbrot og eignaspjöll í fyrirtæki í póstnúmerinu 111. Búið var að brjóta rúðu í útihurð á fyrirtæki. Ekki er vitað hvort farið var inn né hvort einhverju var stolið.

Lögreglumál

Mest lesið


Fleiri fréttir

Sjá meira


×

Mest lesið