Stjarna Los Angeles Lakers frá í mánuð

Davis, sem hefur verið valinn átta sinnum í stjörnuleik NBA og varð meistari með liðinu árið 2020, meiddist í leik liðsins gegn Minnesota Timberwolves á dögunum. Hann meiddist í þriðja leikhluta en Lakers tapaði leiknum sannfærandi.

Raunaganga Davis heldur því áfram en hann er iðullega á meiðslalistanum, oft vegna einhvers smávægilegs en það er auðvitað ekki staðan í þetta sinn. Lakers mun líklega eiga erfitt með að finna hans framlag annars staðar í liðinu en liðið bætti nýverið við sig bakverðinum Isaiah Thomas á frjálsri sölu.

Búist er við því að endurhæfing Davis taki um það bil fjórar vikur en saga segir okkur ða það gæti verið lengra þangað til við sjáum hann á parketinu.