En svo dundu ósköpin yfir. Jói í Gagnamagninu greindist með veiruna skæðu og íslenski hópurinn fylgdist að endingu með sjálfum sér keppa til úrslita í Eurovision úr sóttkví. Það virðist þó ekki hafa komið mjög að sök, eins og niðurstöðurnar eru til marks um.
Hér fyrir neðan er að sjálfsögðu farið yfir ótrúlega Eurovision-vegferð Daða og Gagnamagnsins en við rifjum einnig upp meint kókaínhneyksli sem skók keppnina og svörum spurningunni sem hlýtur að brenna á allra vörum: Hvernig líður Jóa í dag? Allt þetta, og meira til, í sérstökum fréttaannál.
Fréttastofa Stöðvar 2, Vísis og Bylgjunnar rifjar upp árið 2021 alla virka daga í desember.