Kröfum landeigenda á Látrum um að byggingar verði fjarlægðar hafnað Tryggvi Páll Tryggvason skrifar 1. desember 2021 22:01 Frá Látrum þar sem sjá má Sjávarhúsið, viðbyggingin fremst á myndinni og svo skúrana lengst í burtu. Reynir Elís Þorvaldsson Úrskurðarnefnd umhverfis- og auðlindamála hefur hafnað kröfum eins af eigendum eyðijarðarinnar Látra í Aðalvík í friðlandinu á Hornströndum þess efnis að ákvörðun Ísafjarðarbæjar um að fjarlægja ekki fimm smáhýsi og viðbyggingu við Sjávarhúsið svokallaða verði ógilt. Deilurnar hafa staðið yfir lengi. Deilurnar má rekja til þess að fulltrúi Miðvíkur ehf, sem er einn af eigendum eyðijarðarinnar Látra í Aðalvík, krafðist þess að smáhýsin fimm, sem reist voru á sínum tíma í fjörukambinum að Látrum í Aðalvík yrðu fjarlægð, sem og viðbygging við Sjávarhúsið svokallaða. Smáhýsin fimm og viðbyggingin við Sjávarhúsið væru að mati Miðvíkur óleyfisframkvæmdir. Lítil grenndaráhrif að mati bæjarins Deilurnar hafa staðið yfir í um nokkurt skeið, meðal annars hafði úrskurðarnefnd umhverfis- og auðlindamála vísað frá kröfu Miðvíkur um að Sjávarhúsið yrði fjarlægt árið 2018. Göngugarpar ferjaðir að Látrum í gúmmíbát. Fjölmargir gönguhópar hefja göngu á Hornströndum á Látrum á hverju sumri.Vísir/Sunna Karen Byggingarfulltrúi Ísafjarðarbæjar hafnaði kröfum Miðvíkur í vor, meðal annars á þeim grundvelli að smáhýsin hefðu lítil grenndaráhrif og aðrir eigendur Látra hefðu ekki gert athugasemdir við viðbygginguna við Sjávarhúsið. Miðvík skaut þeirri niðurstöðu til úrskurðarnefndar umhverfis- og auðlindamála og fór fram á að ákvörðunirnar yrðu ógiltar. Telja að byggingafulltrúinn geti ekki sætt sig við umfang eignarhalds Miðvíkur Vildi Miðvík meina að samkvæmt reglum sem gildi um svæðið væri aðeins leyfilegt að reisa á fjörukambinum tvær byggingar, hin svokölluðu „Húsið við sjóinn“ og „Guðnahús“. Bæði þessi réttindi væru í eigu Miðvíkur ehf. Byggingafulltrúi Ísafjarðarbæjar hafði hafnað því að verða við kröfu Miðvíkur.Vísir/Vilhelm Þá taldi Miðvík að leyfi allra landeigenda þurfi til að raska friðlandinu, eigendur smáhýsanna hafi ekki sótt um tilskilin leyfi og það sama gilti um eigendur viðbyggingarinnar við Sjávarhúsið. Þá virtist Miðvík það vera svo að byggingarfulltrúinn gæti ekki sætt sig við að félagið væri eigandi helmings alls lands að Látrum í Aðalvík. Ísafjarðarbær beitti þeim rökum fyrir sig að nokkuð hafi verið liðið frá því að umrædd smáhýsi hafi verið sett upp og að Miðvík hafi verið eini eigandinn af fjölmörgum eigendum að Látrum sem sett hafi sig upp á móti þeim. Göngumaður virðir fyrir sér skúrana að Látrum.Golli Smáhýsunum fylgdu engin sérstök grenndaráhrif, útsýnisskerðing, skuggavarp eða annað slíkt og hafi því ekki verið borið við af hálfu Miðvíkur. Þá þyrfti sterk rök til þess að beita jafn íþyngjandi úrræðum og þvingunarrúræðum, þau hafi Miðvík ekki fært fram. Sömu rök ættu við um viðbygginguna við Sjávarhúsið auk þess sem að aðrir eigendur að Látrum hafi ekki gert athugasemdir við umrædda viðbyggingu, hvorki almennt séð né þegar eftir sjónarmiðum þeirra hafi verið leitað sérstaklega við meðferð málsins. Telja ákvörðun byggingafulltrúa hafi verið byggð á efnislegum rökum Í niðurstöðu úrskurðarnefndarinnar í báðum málum kemur fram að það mat byggingarfulltrúa Ísafjarðarbæjar að beita ekki þvingunarrúrræðum, það er að krefjast þess að húsin yrðu rifin, hafi verið stutt efnislegum rökum. Blíðskapar veður á Látrum síðasta sumar. Skúrana fimm má sjá á myndinni.Hlédís Sveinsdóttir Þá var Miðvík bent á það að félaginu standi önnur réttarúrræði til boða til að gæta hagsmuna sinna, en ekki sé hægt að líta svo á að einstaklingum sé tryggður lögvarinn réttur til að knýja byggingaryfirvöld til beitingar þvingunarúrræða vegna einstaklingsbundinna hagsmuna sinna. Var báðum kröfum Miðvíkur því hafnað en úrskurði nefndarinnar má lesa hér og hér. Ísafjarðarbær Umhverfismál Skipulag Stjórnsýsla Hornstrandir Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Hitnar undir feldi Lilju Innlent Óheppileg „læk“ Reykjavíkurborgar: „Okkur þykir þetta miður“ Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira
Deilurnar má rekja til þess að fulltrúi Miðvíkur ehf, sem er einn af eigendum eyðijarðarinnar Látra í Aðalvík, krafðist þess að smáhýsin fimm, sem reist voru á sínum tíma í fjörukambinum að Látrum í Aðalvík yrðu fjarlægð, sem og viðbygging við Sjávarhúsið svokallaða. Smáhýsin fimm og viðbyggingin við Sjávarhúsið væru að mati Miðvíkur óleyfisframkvæmdir. Lítil grenndaráhrif að mati bæjarins Deilurnar hafa staðið yfir í um nokkurt skeið, meðal annars hafði úrskurðarnefnd umhverfis- og auðlindamála vísað frá kröfu Miðvíkur um að Sjávarhúsið yrði fjarlægt árið 2018. Göngugarpar ferjaðir að Látrum í gúmmíbát. Fjölmargir gönguhópar hefja göngu á Hornströndum á Látrum á hverju sumri.Vísir/Sunna Karen Byggingarfulltrúi Ísafjarðarbæjar hafnaði kröfum Miðvíkur í vor, meðal annars á þeim grundvelli að smáhýsin hefðu lítil grenndaráhrif og aðrir eigendur Látra hefðu ekki gert athugasemdir við viðbygginguna við Sjávarhúsið. Miðvík skaut þeirri niðurstöðu til úrskurðarnefndar umhverfis- og auðlindamála og fór fram á að ákvörðunirnar yrðu ógiltar. Telja að byggingafulltrúinn geti ekki sætt sig við umfang eignarhalds Miðvíkur Vildi Miðvík meina að samkvæmt reglum sem gildi um svæðið væri aðeins leyfilegt að reisa á fjörukambinum tvær byggingar, hin svokölluðu „Húsið við sjóinn“ og „Guðnahús“. Bæði þessi réttindi væru í eigu Miðvíkur ehf. Byggingafulltrúi Ísafjarðarbæjar hafði hafnað því að verða við kröfu Miðvíkur.Vísir/Vilhelm Þá taldi Miðvík að leyfi allra landeigenda þurfi til að raska friðlandinu, eigendur smáhýsanna hafi ekki sótt um tilskilin leyfi og það sama gilti um eigendur viðbyggingarinnar við Sjávarhúsið. Þá virtist Miðvík það vera svo að byggingarfulltrúinn gæti ekki sætt sig við að félagið væri eigandi helmings alls lands að Látrum í Aðalvík. Ísafjarðarbær beitti þeim rökum fyrir sig að nokkuð hafi verið liðið frá því að umrædd smáhýsi hafi verið sett upp og að Miðvík hafi verið eini eigandinn af fjölmörgum eigendum að Látrum sem sett hafi sig upp á móti þeim. Göngumaður virðir fyrir sér skúrana að Látrum.Golli Smáhýsunum fylgdu engin sérstök grenndaráhrif, útsýnisskerðing, skuggavarp eða annað slíkt og hafi því ekki verið borið við af hálfu Miðvíkur. Þá þyrfti sterk rök til þess að beita jafn íþyngjandi úrræðum og þvingunarrúræðum, þau hafi Miðvík ekki fært fram. Sömu rök ættu við um viðbygginguna við Sjávarhúsið auk þess sem að aðrir eigendur að Látrum hafi ekki gert athugasemdir við umrædda viðbyggingu, hvorki almennt séð né þegar eftir sjónarmiðum þeirra hafi verið leitað sérstaklega við meðferð málsins. Telja ákvörðun byggingafulltrúa hafi verið byggð á efnislegum rökum Í niðurstöðu úrskurðarnefndarinnar í báðum málum kemur fram að það mat byggingarfulltrúa Ísafjarðarbæjar að beita ekki þvingunarrúrræðum, það er að krefjast þess að húsin yrðu rifin, hafi verið stutt efnislegum rökum. Blíðskapar veður á Látrum síðasta sumar. Skúrana fimm má sjá á myndinni.Hlédís Sveinsdóttir Þá var Miðvík bent á það að félaginu standi önnur réttarúrræði til boða til að gæta hagsmuna sinna, en ekki sé hægt að líta svo á að einstaklingum sé tryggður lögvarinn réttur til að knýja byggingaryfirvöld til beitingar þvingunarúrræða vegna einstaklingsbundinna hagsmuna sinna. Var báðum kröfum Miðvíkur því hafnað en úrskurði nefndarinnar má lesa hér og hér.
Ísafjarðarbær Umhverfismál Skipulag Stjórnsýsla Hornstrandir Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Hitnar undir feldi Lilju Innlent Óheppileg „læk“ Reykjavíkurborgar: „Okkur þykir þetta miður“ Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira