Kínversk tennisstjarna horfin eftir að hafa sakað háttsettan embættismann um kynferðisofbeldi

Peng sakaði Zhang um að hafa neytt sig til að stunda kynlíf með sér í færslu á samfélagsmiðlinum Weibo. 

Færslunni var fljótlega eytt sem og öðru efni Peng á Weibo. Þá var ekki einu sinni hægt að leita eftir orðinu tennis á Weibo sem kínverski kommúnistaflokkurinn vaktar. Ekki hefur sést til Peng síðan hún skrifaði færsluna.

Talið er að þetta sé í fyrsta sinn sem jafn háttsettur embættismaður í Kína er sakaður um kynferðisofbeldi. Zhang, sem er 75 ára, var varaforsætisráðherra Kína á árunum 2013-18 og var náinn samverkamaður forsetans Xi Jinping. Zhang hefur ekki tjáð sig um ásakanir Pengs.

Hin 35 ára Peng vann Wimbledon mótið 2013 og Opna franska meistaramótið ári seinna í tvíliðaleik. Um tíma var hún í efsta sæti heimslistans í tvíliðaleik. Peng komst hæst í 14. sæti heimslistans í einliðaleik og komst í undanúrslit í einliðaleik á Opna bandaríska 2014.