Borgin setur 25 til 30 milljarða í viðhald og viðgerðir á skólahúsnæði Eiður Þór Árnason skrifar 4. nóvember 2021 13:22 Viðgerðir standa yfir á Fossvogsskóla vegna alvarlegs raka- og mygluvanda. Vísir/Vilhelm Borgarráð Reykjavíkur samþykkti í dag að stórauka fjárframlög til viðhalds og viðgerða á skólahúsnæði í borginni. Stendur til að verja 25 til 30 milljörðum til málaflokksins sem er áætluð fjárþörf átaksins á næstu fimm til sjö árum. Samhliða þessu voru kynnt drög að nýrri stefnu í húsnæðismálum fyrir skóla- og frístundastarf. Fram kemur í tilkynningu frá Reykjavíkurborg að húsnæði leikskóla, grunnskóla og frístundar í eigu borgarinnar telji 136 eignir á alls rúmlega 265 þúsund fermetrum. „Stýrihópur á vegum borgarinnar mun forgangsraða verkefnum þannig að öryggi notenda sé númer eitt, heilnæmt umhverfi númer tvö, þar með talið innivist, raki, mygla og hljóðvist. Bætt aðgengi komi þar næst, fyrirbyggjandi aðgerðir svo og hagkvæm nýting fjármuna. Við forgangsröðun skuli einnig tekið tillit til sjónarmiða stjórnenda, fulltrúa notenda og áhrifa á starfsemi á hverjum stað,“ segir í tilkynningu frá borginni. Átakið snúist um viðgerðir og viðhald en ekki nýbyggingar eða viðbyggingar sem verði fjármagnaðar með öðrum hætti. Áætlunin var kynnt á sérstökum fréttamannafundi borgarinnar í dag. Árleg endurskoðun á forgangsröðun, umfangi og fjárþörf Að sögn Reykjavíkurborgar var hafist handa við að vinna úttektir á öllum byggingunum á síðasta ári og verða úttektirnar notaðar sem grunnur við forgangsröðun verkefna. Um var að ræða sjónskoðun en byggingarhlutar voru ekki opnaðir við úttektina. Þar sem ástæða þótti til þess að opna byggingahluta var það skráð sérstaklega. Alls voru 136 eignir teknar til ástandsúttekta innan- og utanhúss ásamt því að framkvæmdar voru rakamælingar innanhúss, loftgæðaskoðun og hljóðvistarskoðun. Allar skráningar úr úttektunum voru skráðar í rafrænan gagnagrunn til frekari úrvinnslu. Eftirfarandi atriði voru tekin til skoðunar: Öryggismál Rakamál Ytra byrði, klæðning, þök og gluggar Loftræsing, uppfærsla/endurbætur Innivist, hljóðvist, ljósvist o.fl. Aðgengismál Ekki voru gerðar sérstaklega úttektir á eldvarnamálum, rafkerfum, lögnum og loftræsilögnum en þær úttektir fara fram með reglubundnu eftirliti samkvæmt þjónustusamningum. Þá voru ræstingar og öryggismál yfirfarin með notendum. Rafrænn gagnagrunnur með vinnugögn yfir þær skráningar sem gerðar voru í hverri fasteign er nú nýttur vegna viðhaldsvinnu og áætlanagerð, að því er fram kemur í tilkynningu. Skýrslur verða kynntar sérstaklega fyrir stjórnendum á hverjum stað fyrir sig. „Nú þegar hafa öll mál sem koma fram í ástandsskýrslunum og varða öryggismál verið tekin fyrir og löguð eða sett í farveg fyrir áframhaldandi vinnu. Skýrslurnar sem birtar verða í dag lýsa stöðunni við skoðun og hafa ekki verið uppfærðar miðað við núverandi stöðu bygginga.“ Smærri viðhaldsverkefni á borð við málun, dúkalagnir og fleira eru framkvæmd með reglubundnum hætti. Viðhald eldvarnarkerfa, pípulagna, rafkerfa og loftræsikerfa eru samkvæmt þjónustusamningum. Lögðu fram drög að nýrri stefnu Samhliða átaki í viðhaldi á húsnæði skóla- og frístundastarfsins voru í borgarráði lögð fram til kynningar drög að nýrri stefnu um byggingar á skólahúsnæði í anda menntastefnu borgarinnar Látum draumana rætast. Stefnan tekur jafnframt mið af Grænu plani Reykjavíkurborgar. Í henni eru sett fram viðmið fyrir nýbyggingar, viðbyggingar og breytingar á húsnæði fyrir leikskóla, frístundaheimili, grunnskóla, skólahljómsveitir og félagsmiðstöðvar. Í viðmiðunum er að finna nánari leiðsögn til hönnuða um kröfur sem settar eru fram um einstök rými, tengsl, stærð, efnisval, búnað og aðra slíka þætti. Fréttin hefur verið uppfærð. Skóla - og menntamál Reykjavík Mygla Mygla í Fossvogsskóla Grunnskólar Leikskólar Borgarstjórn Mest lesið Íranir neita að hafa skotið eldflaugum Erlent Segja manninn hafa glímt við alvarleg veikindi Innlent Áhrifavaldur sakaður um að bera ábyrgð á dauða dóttur sinnar Erlent Stuðningur við veiðigjaldafrumvarpið dregst saman Innlent Fjögur búsetuúrræði Vinnumálastofnunar standa auð Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Breytingar á lögum um sjúkratryggingar mismuni eftir efnahagsstöðu Innlent „Þetta rugl í Kastljósi í gær af hálfu forsætisráðherra er skammarlegt“ Innlent Sektaður um 240 þúsund fyrir að halda sauðfé í Grindavík Innlent Ekki um sama þvott að ræða í Björg og Fönn Innlent Fleiri fréttir Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Sjá meira
Samhliða þessu voru kynnt drög að nýrri stefnu í húsnæðismálum fyrir skóla- og frístundastarf. Fram kemur í tilkynningu frá Reykjavíkurborg að húsnæði leikskóla, grunnskóla og frístundar í eigu borgarinnar telji 136 eignir á alls rúmlega 265 þúsund fermetrum. „Stýrihópur á vegum borgarinnar mun forgangsraða verkefnum þannig að öryggi notenda sé númer eitt, heilnæmt umhverfi númer tvö, þar með talið innivist, raki, mygla og hljóðvist. Bætt aðgengi komi þar næst, fyrirbyggjandi aðgerðir svo og hagkvæm nýting fjármuna. Við forgangsröðun skuli einnig tekið tillit til sjónarmiða stjórnenda, fulltrúa notenda og áhrifa á starfsemi á hverjum stað,“ segir í tilkynningu frá borginni. Átakið snúist um viðgerðir og viðhald en ekki nýbyggingar eða viðbyggingar sem verði fjármagnaðar með öðrum hætti. Áætlunin var kynnt á sérstökum fréttamannafundi borgarinnar í dag. Árleg endurskoðun á forgangsröðun, umfangi og fjárþörf Að sögn Reykjavíkurborgar var hafist handa við að vinna úttektir á öllum byggingunum á síðasta ári og verða úttektirnar notaðar sem grunnur við forgangsröðun verkefna. Um var að ræða sjónskoðun en byggingarhlutar voru ekki opnaðir við úttektina. Þar sem ástæða þótti til þess að opna byggingahluta var það skráð sérstaklega. Alls voru 136 eignir teknar til ástandsúttekta innan- og utanhúss ásamt því að framkvæmdar voru rakamælingar innanhúss, loftgæðaskoðun og hljóðvistarskoðun. Allar skráningar úr úttektunum voru skráðar í rafrænan gagnagrunn til frekari úrvinnslu. Eftirfarandi atriði voru tekin til skoðunar: Öryggismál Rakamál Ytra byrði, klæðning, þök og gluggar Loftræsing, uppfærsla/endurbætur Innivist, hljóðvist, ljósvist o.fl. Aðgengismál Ekki voru gerðar sérstaklega úttektir á eldvarnamálum, rafkerfum, lögnum og loftræsilögnum en þær úttektir fara fram með reglubundnu eftirliti samkvæmt þjónustusamningum. Þá voru ræstingar og öryggismál yfirfarin með notendum. Rafrænn gagnagrunnur með vinnugögn yfir þær skráningar sem gerðar voru í hverri fasteign er nú nýttur vegna viðhaldsvinnu og áætlanagerð, að því er fram kemur í tilkynningu. Skýrslur verða kynntar sérstaklega fyrir stjórnendum á hverjum stað fyrir sig. „Nú þegar hafa öll mál sem koma fram í ástandsskýrslunum og varða öryggismál verið tekin fyrir og löguð eða sett í farveg fyrir áframhaldandi vinnu. Skýrslurnar sem birtar verða í dag lýsa stöðunni við skoðun og hafa ekki verið uppfærðar miðað við núverandi stöðu bygginga.“ Smærri viðhaldsverkefni á borð við málun, dúkalagnir og fleira eru framkvæmd með reglubundnum hætti. Viðhald eldvarnarkerfa, pípulagna, rafkerfa og loftræsikerfa eru samkvæmt þjónustusamningum. Lögðu fram drög að nýrri stefnu Samhliða átaki í viðhaldi á húsnæði skóla- og frístundastarfsins voru í borgarráði lögð fram til kynningar drög að nýrri stefnu um byggingar á skólahúsnæði í anda menntastefnu borgarinnar Látum draumana rætast. Stefnan tekur jafnframt mið af Grænu plani Reykjavíkurborgar. Í henni eru sett fram viðmið fyrir nýbyggingar, viðbyggingar og breytingar á húsnæði fyrir leikskóla, frístundaheimili, grunnskóla, skólahljómsveitir og félagsmiðstöðvar. Í viðmiðunum er að finna nánari leiðsögn til hönnuða um kröfur sem settar eru fram um einstök rými, tengsl, stærð, efnisval, búnað og aðra slíka þætti. Fréttin hefur verið uppfærð.
Skóla - og menntamál Reykjavík Mygla Mygla í Fossvogsskóla Grunnskólar Leikskólar Borgarstjórn Mest lesið Íranir neita að hafa skotið eldflaugum Erlent Segja manninn hafa glímt við alvarleg veikindi Innlent Áhrifavaldur sakaður um að bera ábyrgð á dauða dóttur sinnar Erlent Stuðningur við veiðigjaldafrumvarpið dregst saman Innlent Fjögur búsetuúrræði Vinnumálastofnunar standa auð Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Breytingar á lögum um sjúkratryggingar mismuni eftir efnahagsstöðu Innlent „Þetta rugl í Kastljósi í gær af hálfu forsætisráðherra er skammarlegt“ Innlent Sektaður um 240 þúsund fyrir að halda sauðfé í Grindavík Innlent Ekki um sama þvott að ræða í Björg og Fönn Innlent Fleiri fréttir Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Sjá meira