Fimm frægir frumkvöðlar um mistök í starfi

Að læra af mistökum sínum segir orðatiltækið góða en hér eru tilvitnanir í fimm fræga frumkvöðla og hvað þeir hafa sagt um það að gera mistök.

Thomas Edison

Margir þekkja eftirfarandi tilvitnun í Edison, frumkvöðulinn sem fann upp ljósaperuna:

„Mér hefur ekki mistekist. Ég fann bara 10 þúsund leiðir sem virka ekki.“ 

(e. „I have not failed. I‘ve just found 10.000 ways that won‘t work.“)

Önnur tilvitnun í Edison er einnig góð, en þar segir hann:

„Mörg stór mistök felast í því að fólk gefst upp án þess að gera sér grein fyrir því hvað það var nálægt því að takast tilætlunarverk sitt.“ 

(e. „Many of life‘s failures are people who did not realize how close they were to success when they gave upp.“)

Henry Ford

Bílaframleiðandinn Henry Ford sagði eitt sinn:

„Mistök eru einfaldlega tækifæri til að byrja aftur og í það skiptið með enn skynsamlegri hætti.“ 

(e. Failure is simply the oppurtunity to begin again, this time more intelligently.“)

Oprah Winfrey

Þegar að Oprah Winfrey stofnaði sitt eigið sjónvarpsfyrirtæki, hlaut hún nokkra gagnrýni og það tók tíma fyrir hana að koma því fyrirtæki á legg.

Í viðtali um þennan tíma sagði Oprah:

„Það er ekkert til sem heitir mistök. Mistök eru í raun alheimurinn að stýra okkur í aðra átt.“ 

(e. „There is no such thing as failure. Failure is just life trying to move u sin another direction.“)

Steve Jobs

Steve Jobs viðurkenndi að hafa upplifað það sem mikla skömm þegar hann var rekinn á sínum tíma frá Apple, fyrirtækinu sem hann hafði stofnað og byggt upp. Hann neitaði hins vegar að láta þá skömm eða vanlíðun, skilgreina sig og sína framtíð.

Um mistök sagði Jobs: 

„Stundum þegar þú býrð eitthvað til, gerir þú mistök. Þá er best að viðurkenna mistökin og halda áfram að bæta um betur í öðru sem þú ert að vinna að.“ 

(e. „Sometimes when you innovate, you make mistakes. It is best to admit them quickly, and get on with improving your other innovations.“)

Vera Wang

Tískuhönnuðurinn Vera Wang hefur upplifað ýmsar hindranir í starfi. Til dæmis var hún tískuritstjóri hjá Vogue í 15 ár en hætti þar eftir að vera synjað um stjórnunarstöðu þar.

Um árangur í starfi hefur Wang sagt:

„Að ná langt snýst ekki um útkomuna heldur það hvað þú hefur lært á leiðinni.“ 

(e. „Success isn‘t about the end result; it‘s about what you learn along the way.“)

Tilvitnanir fengnar úr samantekt á vefsíðu bandaríska viðskiptaráðsins.