At­vinnu­leysi í septem­ber 3,5 prósent

Á vef Hagstofunnar segir að árstíðaleiðrétt atvinnuþátttaka hafi verið 79,5 prósent og hlutfall starfandi 75,6 prósent. Árstíðaleiðrétt atvinnuleysi hafi ekki verið lægra síðan í mars 2020 þegar það mældist 2,8 prósent.

„Árstíðaleiðrétt atvinnuleysi lækkaði um 1,5 prósentustig á milli mánaða á meðan ársíðaleiðrétt hlutfall starfandi jókst um 0,4 prósentustig. Árstíðaleiðrétt leitni atvinnuleysis hefur dregist saman um 0,9 prósentustig síðustu sex mánuði og leitni hlutfalls starfandi hefur aukist um 2,4 prósentustig,“ segir á vef Hagstofunnar.

Ennfremur segir að án árstíðaleiðréttingar sé áætlað að 207.900 (±6.800) einstaklingar á aldrinum 16 til 74 ára hafi verið á vinnumarkaði í september 2021 sem jafngildir 78,2 prósenta (±2,6) atvinnuþátttaka.

„Í september 2021 er áætlað að 26.200 einstaklingar hafi haft óuppfyllta þörf fyrir atvinnu (slaki) sem jafngildir 12,1% af samanlögðu vinnuafli og mögulegu vinnuafli. Af þeim voru 22,5% atvinnulausir, 28,4% tilbúnir að vinna en ekki að leita, 7,5% í atvinnuleit en ekki tilbúnir að vinna og 41,6% vinnulitlir (starfandi í hlutastarfi og vilja vinna meira). Samanburður við september 2020 sýnir að hlutfall þeirra sem hafa óuppfyllta þörf fyrir atvinnu hefur lækkað um 1,4 prósentustig á milli ára. Árstíðaleiðrétt leitni slaka hefur nánast staðið í stað síðustu þrjá mánuði en lækkað um 0,4 prósentustig á síðustu sex mánuðum.“