Sprenging í lýtaaðgerðum í heimsfaraldri

Zoom áhrifin

Þórdís segir mikla aukningu hafa orðið í fegrunaraðgerðum út um heim allan í kjölfar heimsfaraldurs og talar hún um svokölluð Zoom áhrif (e. Zoom boom). 

„Þetta er eiginlega stórmerkilegt, “ segir Þórdís og talar um að mögulega hafi fólk sem vann mikið heima fyrir á fjarfundum haft meiri tíma til þess að horfa á sig og því farið að taka meira eftir hrukkum og augnpokum. 

Svo eru kannski líka einhverjir sem hafa látið sig dreyma um að gera eitthvað svona lengi en ekki gefið sér tíma. Svo vegna heimsfaraldursins höfðu þeir svigrúm til þess. Fólk hefur notað tækifærið og drifið sig í aðgerð.

Svuntuaðgerðir aukist um 30%

Aðspurð hvernig fegrunaraðgerðir hafi aukist mest segist hún hafa fundið fyrir aukningu í flestum fegrunaraðgerðum þó svo að einhverjar hafi staðið upp úr.

„Til dæmis svuntuaðgerðin,“ sem Þórdís segir vera ein vinsælasta fegrunaraðgerðin en sú aðgerð hefur aukist um 30% á fyrstu sex mánuðum ársins.

„Brjóst eru líka alltaf vinsæl.“

Vegna heimavinnunnar og allra takmarkanna segir Þórdís að fólk hafi líklega haft meira svigrúm til þess að fara í aðgerðirnar sem og að taka sér tíma til þess að jafna sig, án þess að taka sér endilega frí frá vinnu.

Þessi mikla aukning í fegrunaraðgerðum sjáist greinilega út um heim allan og ástæðurnar geti verið samverkandi. Fólk sé fyrir það fyrsta meira heima við og sé því ekki eyða fjármunum í ferðalög eða fatnað eins og áður.

Þeir hafa mælt þetta í Frakklandi og þar er allt að 40% aukning í fegrunaraðgerðum.

Segir grímutímabilið hafa verið hentugt fyrir varafyllingarnar

Svo eru það varafyllingarnar.

„Þeir sem hafa látið sig dreyma um að fá einhverja fyllingu í varirnar þá hefur þetta grímutímabil verið algjör snilld,“ segir Þórdís og hlær.

Ef að þú ert til dæmis marin og blóðugur fyrst eftir sprautuna þá koma grímurnar sér mjög vel.

Augnlokaaðgerðir segir Þórdís einnig vera mjög vinsælar og í samkomubanninu hafi fólk haft meiri kost á því að fara í aðgerðina og jafna sig heima við.“

„Eftir aðgerðina ertu kannski með glóðarauga í einhverja daga á eftir en þú getur falið það fyrir umhverfinu eftir viku tíu daga.

„Augnlokin voru meira tabú fyrir nokkrum árum en núna finnast mér þetta orðið minna feimnismál. Sumir mæta bara í vinnu með glóðarauga og sólgleraugu.“

Viðtalið í heild sinni er hægt að nálgast hér fyrir neðan.