Sælkerarar fögnuðu nýrri matreiðslubók

Boðið var upp á veitingar úr bókinni en hún hefur að geyma fleiri en hundrað uppskriftir og góð ráð um grill- og eldunaraðferðir. 

„Réttir bókarinnar eru fjölbreyttir og hver öðrum gómsætari. Hráefnið er af ýmsum toga, allt frá nauti til grænmetis, villibráðar til skelfisks og sósum til eftirrétta,“ segir um bókina.

„Viðskiptavinir Sælkerabúðarinnar koma úr ólíkum áttum en þeir eiga langsamlega flestir það sameiginlegt að vilja fræðast um hvernig við í Sælkerabúðinni myndum kjósa að elda hráefnið sem hefur orðið fyrir valinu. Við hversu háan hita á að elda, hvernig er best að krydda, hversu langur er eldunartíminn og hve lengi á kjötið að hvíla? Sumarið eftir opnun leið og á nánast sama augnabliki horfðum við hvor á annan og sögðum: 

„Auðvitað ættum við að skrifa grillbók!“

Það er eitthvað dásamlegt við grillmenningu Íslendinga. Þessi eilífa bjartsýni, hvort sem er í fimbulkulda eða heilum tuttugu gráðum, ef sú gula sýnir sig – þá skal grillað. Við finnum rækilega fyrir því í Sælkerabúðinni enda er sjaldan jafnmikið að gera hjá okkur og þegar sólin skín og grillandinn kemur yfir þjóðina,“ segja þeir Viktor og Hinrik.

GRILL er yfirgripsmikil og falleg matreiðslubók sem blæs grillurum eldmóði í brjóst og tryggir að allir geti framreitt hina fullkomnu steik. Bókina prýða fallegar ljósmyndir Heiðdísar Guðbjargar Gunnarsdóttur. Salka gefur bókina út. 

Í albúminu hér fyrir neðan má sjá fleiri myndir frá viðburðinum.