Sérstök unaðsvernd er á kynlífstækjum Hermosa

„Við hjá Hermosa höldum áfram að einbeita okkur að því að veita framúrskarandi þjónustu og því byrjuðum við að bjóða upp á unaðsvernd,“ segir Kristín Björg Hrólfsdóttir, ein eigenda kynlífstækjaverslunarinnar Hermosa. En hvað felst eiginlega í „unaðsvernd“?

„Unaðsverndin gerir viðskiptavinum mögulegt að kaupa vörur án áhættu. Ef þér líkar ekki varan eftir að hafa prófað hana þá getur þú skilað henni og fengið aðra sambærilega vöru í staðinn,“ útskýrir Kristín. „Venjulega er aðeins hægt að skila vöru ef hún er enn í óopnuðum umbúðum en með þessu viljum við koma enn betur til móts við okkar viðskiptavini. Við vöndum valið á þeim vörum sem við tökum inn til þess að vera viss um að bjóða bara upp á það besta,“ segir hún og tekur fram að öll raftæki í versluninni eru í að minnsta kosti tveggja ára ábyrgð og sum í lengri ábyrgð.

„Við höfum nú haldið úti vefverslun hátt í 3 ár og það er gaman að segja frá því að bilanatíðni tækjanna er merkilega lítill,“ segir Kristín.

Ekki bara kynlífsgræjur

Vöruúrval Hermosa spannar ekki bara kynlífstæki heldur er þar einnig að finna tíðarvörur.

„Við fórum nýlega að bjóða upp á tíðabikara sem ég mæli eindregið með. Tíðabikarar eru algjör snilld, ég hafði oft heyrt talað um þá áður en ég prufaði þá en aldrei pælt neitt sérstaklega í þeim,“ segir Kristín og dauðsér eftir að hafa ekki prófað bikarinn fyrr. „Það voru stór mistök að prufa þá ekki fyrr. Ég hef ekki tölu á hversu oft ég þurfti að skreppa í búðina af því að ég var að byrja á túr og átti ekki tappa eða dömubindi. Ég hef líka oft pælt í því hversu óumhverfisvænt það er að nota túrtappa og dömubindi endalaust. Tíðabikararnir eru lausn við þessu vandamáli.

 Þeir koma algjörlega í stað túrtappa og dömubinda og eru þægilegir, hagkvæmir og umhverfisvænir. Tíðabikararnir okkar eru gerðir úr mjúku silíkoni sem einnig er notað í lækningatæki. Bikarinn viðheldur náttúrulegri flóru líkamans vegna þess að hann tekur einungis við vökva en drekkur hann ekki í sig. Þetta kemur í veg fyrir ertingu og þurrk og tryggir náttúrulegt PH jafnvægi.“

Afsláttur af Fun factory og Satisfyer tíðabikurum

Hermosa.is býður 20 % afslátt af öllum tíðabikurum frá 5. til 12. apríl. Við erum með tíðabikara bæði frá fun factory og Satisfyer. Hægt er að fá mismunandi stærðir af Fun factory bikurunum en Satisfier kemur í pakka með 2 stærðum. Einnig verða aðrar vörur á allt að 40% afslætti þessa daga, og má þar sem dæmi nefna hinar margverðlaunuðu vörur frá Zalo.