Innlent

Myndir frá leitinni: Víðtæk leit hefur enn engan árangur borið

Lillý Valgerður Pétursdóttir skrifar
Hermenn hafa flogið þyrflum pakistanska hersins yfir svæðið í dag.
Hermenn hafa flogið þyrflum pakistanska hersins yfir svæðið í dag. Mynd/Aðsend

Víðtæk leit að fjallgöngumönnunum John Snorra Sigurjónssyni, Ali Sadpara og Juan Pablo Mohr á fjallinu K2 hefur enn engan árangur borið. Stefnt er að því að leita af fullum þunga í dag alveg þar til dimmir.

Þeir félagar lögðu af stað upp K2 ásamt syni Ali, Sajid Sapara, á fimmtudagskvöldið. Strax um nóttina lenti Sajid í vanda og snéri við. Þegar hann sá þremenningana síðast um klukkan fimm aðfaranótt föstudagsins voru þeir við flöskuháls í um 8.200 metra hæð en fjallið er 8.611 metra hátt. Sjá má staðsetninguna hér á myndinni fyrir neðan. 

Græni hringurinn sýnir flöskuhálsinn þar sem John Snorri og félagar sáust síðast. Þeir áttu þá eftir um fjögur hundruð metra leið upp á toppinn.Mynd/Aðsend

Ekkert hefur ekkert spurst til þremenningana síðan.

Pakistanski herinn hefur stýrt umfangsmikilli leit á svæðinu í gær og í dag. Þyrlur hafa verið nýttar við leitina. Vonir standa til að hægt verði að fljúga flutningavél á vegum hersins yfir fjallið. Þá hafa gervihnattarmyndir verið notaðar til að reyna að finna John Snorra og félaga.

Kalt hefur verið á svæðinu síðustu daga.Mynd/Aðsend

Juan Pablo Mohr einn þremenninganna var í ferð sem fjallaferðaskrifstofan Seven Summit Treaks sá um skipulagningu á. Eigandi fyrirtækisins er einn þeirra sem tekur nú þátt í leitinni. Thaneswar Guragai samstarfsmaður hans segir leit enn í fullum gangi.

„Í dag gerðum við leitaráætlun út frá öllum mögulegum stöðum þar sem þeir gætu hafa fallið eða týnst. Alla mögulega staði á að skoða þegar þyrlurnar fljúga yfir,“ segir Thansewar.

Hér sést önnur af tveimur þyrlunum sem notuð er við leitina.Mynd/Aðsend

Enn hafi þó ekkert sést til John Snorra og félaga. Hann segir kuldann gera leitina erfiða. Hann geti mælst allt að -75 gráður. Allir mennirnir séu þó reynslumiklir og í góðu formi og því séu allir enn að vona það besta. Það dimmi þó í Pakistan um tvö leytið að íslenskum tíma sem dragi úr möguleikum til leitar eftir það. 

Guðlaugur Þór Þórðarson utanríkis- og þróunarsamvinnuráðherra ræddi í gær við utanríkisráðherra Pakistans vegna leitarinnar. Hann segist þess fullviss um að pakistönsk stjórnvöld séu að gera hvað sem þau geta til að bjarga mönnunum.

„Það er augljóst að þetta mál er í algjörum forgangi hjá þeim stjórnvöldum.“

Ein af þeim myndum sem teknar voru við leitina í dag. Mynd/Aðsend
Nú eru liðnir hátt í þrír sólarhringar frá því að þremenningarnir lögðu af stað á toppinn. Mynd/Aðsend
Þrátt fyrir kulda hefur skyggnið verið ágætt í dag. Mynd/Aðsend
Fjallið þykir erfitt viðureignar.Mynd/Aðsend
Hér má sjá aðra þyrluna fljúga yfir svæðið í dag. Mynd/Aðsend
Leitin í dag var skipulögð í þaula. Mynd/Aðsend
Fjallamennska Nepal Pakistan John Snorri á K2

Tengdar fréttir

Leit heldur áfram í birtingu

Enn hefur ekkert spurst til Johns Snorra Sigurjónssonar og samferðamanna hans sem leitað hefur verið að á K2 í dag. Leit pakistanska hersins verður haldið áfram í dögun en um ríflega tveir sólarhringar eru liðnir síðan síðast heyrðist frá þeim. Aðstæður í fjallinu eru gríðarlega erfiðar og hefur frost farið vel yfir fjörutíu gráður í dag.

Trúa því að þeir séu það sterkt teymi að það sé á­stæða til að vera bjart­sýn enn þá

Umfangsmikil leit stendur nú yfir að fjallgöngumanninum John Snorra og tveimur félögum hans á fjallinu K2 í Pakistan en ekkert hefur heyrst til þeirra í á annan sólarhring. Þyrlur hersins hafa verið notaðar við leitina og reyna á að nýta gervihnetti. Fjölskylduvinur segir fjölskyldu og vini trúa því John Snorri og Ali, sem er með honum á fjallinu, séu það sterkt teymi að það sé ástæða til að vera bjartsýn enn þá.

Mest lesið


Fleiri fréttir

Sjá meira


×

Mest lesið