Spila­víta­eig­andinn Sheldon Adel­son er látinn

Eiginkona Adelson, Miriam Adelson, greinir frá andlátinu í yfirlýsingu. „Vertu sæll, elskan mín, eina og sanna ástin mín. Eftir að hafa þegið og gefið svo mikið af þér áttu skilið að fá þessa hvíld,“ segir hún.

Adelson rak spilavítið Las Vegas Sands og var mikill stuðningsmaður Donalds Trump, fráfarandi Bandaríkjaforseta, og gaf í gegnum árin formúur í kosningasjóði bæði Trumps og annarra frambjóðenda Repúblikana.

Adelson skipaði 28. sætið á lista Forbes yfir auðugustu menn heims í september 2020.