„Ekkert ófremdarástand í gangi“

Sóttvarnayfirvöld hafa af því talsverðar áhyggjur af of mikið verði um hópamyndinar nú á aðventunni sem eykur hættuna á að kórónuveiran dreifi sér víða. Hefur fólk verið hvatt til að forðast gleðskap og fjölmenna hittinga. 

Jóhann Karl Þórisson, aðstoðaryfirlögregluþjónn á höfuðborgarsvæðinu, segir gærkvöldið og nóttina hafa verið með rólegra móti þegar kemur að því. Lögreglan hafi aðeins sinnt fyrrnefndum þremur útköllum þar sem kvartað var undan hávaða í heimahúsi. 

Fimmtán viðskiptavinir mega nú vera inni á veitingastöðum í einu og mega staðirnar hafa opið til 22 á kvöldin, en ekki taka við nýjum viðskiptavinum eftir klukkan 21. Jóhann Karl bendir á að margir veitingastaðir hafi vissulega haft fleiri en fimmtán inni hjá sér í einu. Þar hafi hins vegar verið búið hólfaskipta veitingastöðunum þar sem ekki hafi verið fleiri en 15 í hverju hólfi.