Beita óhefðbundnum hernaði gegn Taívan Samúel Karl Ólason skrifar 12. desember 2020 08:01 Álag á bæði flugmenn og orrustuþotur Taívan hefure verið mikið á árinu. EPA/RITCHIE B. TONGO Í október höfðu hernaðaryfirvöld Taívan sent orrustuþotur til móts við kínverskar orrustuþotur og sprengjuflugvélar alls 2.972 sinnum á árinu. Frá október 2019 til október í ár hefur flugherinn þurft að sinna alls 4.132 verkefnum, séu þjálfunarflug talin með. Þetta er 129 prósenta aukning miðað við sama tímabil 2018-2019. Bara þau flug þar sem þotur hafa verið sendar til móts við kínverskar þotur yfir Taívansundi hafa kostað ríkið um það bil 903 milljónir dala. Svipaða sögu er að segja á legi þar sem frá nóvember í fyrra til nóvember núna í ár hafa áhafnir herskipa Taívan 1.223 sinnum þurft að sigla til móts við herskip Kína. Þeim verkefnum hefur fjölgað um 400, samanborið við sama tímabil ári áður. Samhliða þessari mikilli aukningu á álagi flugmanna og sjóliða, hefur ástand herafla Taívan versnað og geta hans dregist saman. Veruleg vandamál varðandi þjálfun varaliðs hers Taívan, sem er að mestu skipaður af sjálfboðaliðum. Heraflinn á þó að búa að tæplega þriggja milljóna varaliði. Meðlmir þess segjast hafa fengið litla sem enga þjálfun og jafnvel að þeir hafi bara einu sinni skotið úr byssu. Þetta er meðal þess sem kemur fram í ítarlegri umfjöllun Reuters fréttaveitunnar þar sem því er meðal annars haldið fram að ráðamenn í Kína séu í raun byrjaðir að herja á Taívan með óhefðbundnum hætti. Markmiðið sé ekki að sigra Taívan hernaðarlega heldur auka þrýstinginn á eyríkið jafnt og þétt og draga móðinn úr íbúum þess. Kínverjar hafa lengi gert tilkall til Taívan sem hefur í raun verið sjálfstætt ríki frá árinu 1949. Þá flúðu meðlimir þjóðernissinna til eyjunnar undan kommúnistum í borgarastyrjöld landsins. Taívan hefur þó aldrei formlega lýst yfir sjálfstæði. Bandaríkin slitu formlegum tengslum við Taívan árið 1979, að kröfu Kínverja, en hafa þrátt fyrir það haldið umfangsmiklum óformlegum tengslum við ríkið og útvega Taívan meðal annars vopn. Á undanförnum árum hefur sjálfstæðissinnum vaxið ásmegin í Taívan. Í umfjöllun Reuters segir þar að auki að nú þegar íbúar Taívan hafa séð hvernig komið hefur verið fram við lýðræðissinna í Hong Kong hafi þeir mögulega betri hugmynd hvernig aðstæður þeirra gætu breyst taki Kommúnistaflokkur Kína yfir stjórn eyjunnar. Sjá einnig: Stjórnarandstaða Hong Kong hættir á einu bretti Háttsettir forsvarsmenn í herafla Taívan segja markverða breytingu hafa átt sér stað í afstöðu ráðamanna í Kína á þessu ári. Embættismenn og herforingjar hafi hætt að ræða fræðilega um það að hernema Taívan með valdi og farið að tala sín á milli um áætlanir fyrir mögulegar hernaðaraðgerðir. Undanfarin ár hafa ráðmenn í Kína varið miklum fjármunum í að nútímavæða herafla landsins. Samhliða aukinni hernaðargetu hefur sjálftraust herforngja landsins aukist og hafa greinendur innan herafla Bandaríkjanna lýst yfir áhyggjum af því að Kínverjar telji sig geta hernumið Taívan. Starfsmenn varnarmálaráðuneytis Taívan eru þó ekki sammála því. Þrátt fyrir yfirburði Kínverja þyrftu þeir að flytja hermenn á skipum minnst 130 kílómetra yfir sundið á milli ríkjanna. Sú för yrði án efa blóðug. Þá hafa yfirvöld í Taívan haft 70 ár til að víggirða þá fáu staði þar sem hægt væri að lenda umfangsmiklum herafla. Í skýrslu um getu Kínverja sem sérfræðingar hers Taívan skrifa á ári hverju segir að þó Kínverjar búi yfir öflugum nútímavopnum og fjölmörgum hermönnum sé geta ríkisins til að flytja þá yfir sundið ekki til staðar. Sömuleiðis búi Kínverjar ekki yfir nægilega öflugu birgðaneti. Eins og greint er frá í umfjöllun Reuters yrði það mjög slæmt fyrir yfirráð Bandaríkjanna í Kyrrahafinu ef Kommúnistaflokkur Kína næði völdum í Taívan. Um árabil hafa Bandaríkjamenn kallað Kyrrahafið bakgarð sinn og hefur ríkið verið þar allsráðandi. Undanfarna mánnuði hafa ráðamenn í Bandaríkjunum gengið hart fram gegn Kína og aukið samskipti sín við Taívan. Mike Pompeo, utanríkisráðherra Bandaríkjanna, sagði nýverið berum orðum að eyríkið tilheyrði ekki Kína og féllu þau ummæli ekki í kramið í Peking. Sjá einnig: Hóta að refsa Bandaríkjunum vegna Taívan Spenna hefur aukist töluvert á svæðinu, bæði í tengslum við Taívan og í tengslum við ólöglegt tilkall Kína til nánast alls Suður-Kínhafs. Þar hafa Kínverjar byggt upp heilu eyjarnar og komið fyrir eldflaugum, flugvöllum og öðru. Sérfræðingar sem Reuters ræddi við segja ólíklegt að til hefðbundins stríðs komi á milli Kína og Taívan á næstunni. Bæði vegna þess að sigur Kínverja yrði ekki tryggður og að ráðamenn í Kína yrðu líklegast útskúfaðir af alþjóðasamfélaginu. Því hafi æðstu ráðamenn Kína ákveðið að beita óhefðbundnum hernaði gegn Taívan. Með því að þvinga mun smærri herafla eyríkisins til að bregðast við aðgerðum þeirra verði hægt að draga úr þeim móðinn til lengdar. Það muni reyna að flugmenn Taívan, flugvélar og fjármálin. Þar að auki eigi stanslausar ógnanir að hafa slæm áhrif á hermenn í Taívan. Bandaríkjamenn eru sagðir hafa ráðlagt ráðamönnum í Taívan að draga úr viðbrögðum sínum og senda ekki orrustuþotur til móts við kínverskar flugvélar í hvert sinn sem þeim er flogið inn í loftrýmiseftirlitssvæði þeirra. Það hafa Taívanar þó ekki tekið vel í. Ráðamenn í Taívan eru þó að bíða eftir því hvaða afstöðu Joe Biden, verðandi forseti Bandaríkjanna, mun taka gagnvart eyríkinu og Kína. Enn sem komið er hefur lítið verið gefið upp í þeim málum og neituðu Biden-liðar að svara fyrispurnum Reuters. Taívan Kína Bandaríkin Suður-Kínahaf Hernaður Mest lesið „Vona að þú sofir vel“ Innlent „Ekki bara rekinn heldur á staðnum og fyrirvaralaust“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Kosningar í Ástralíu: Fylgi Íhaldsflokksins dvínar vegna framgöngu Trump Erlent „Þetta er vítahringur sem endurtekur sig í sífellu!“ Innlent Fyrirgefur fjölskyldunni og leitar sátta Erlent Tifandi tímasprengjan sem grunuð er um frelsissviptingu Innlent Sér fram á bjarta framtíð fyrir börnin þökk sé styrknum Innlent Buðu mótherjum Björgólfs fyrst þjónustu sína Innlent Í leyfi frá þingstörfum og flytur til New York Innlent Fleiri fréttir Kosningar í Ástralíu: Fylgi Íhaldsflokksins dvínar vegna framgöngu Trump Fyrirgefur fjölskyldunni og leitar sátta Gera úkraínsk ungmenni að sjálfsmorðssprengjumönnum Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Segjast hafa lent í drónaárás á alþjóðlegu hafsvæði Drengnum sleppt en fleiri handteknir Munaði sex atkvæðum Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Sjá meira
Bara þau flug þar sem þotur hafa verið sendar til móts við kínverskar þotur yfir Taívansundi hafa kostað ríkið um það bil 903 milljónir dala. Svipaða sögu er að segja á legi þar sem frá nóvember í fyrra til nóvember núna í ár hafa áhafnir herskipa Taívan 1.223 sinnum þurft að sigla til móts við herskip Kína. Þeim verkefnum hefur fjölgað um 400, samanborið við sama tímabil ári áður. Samhliða þessari mikilli aukningu á álagi flugmanna og sjóliða, hefur ástand herafla Taívan versnað og geta hans dregist saman. Veruleg vandamál varðandi þjálfun varaliðs hers Taívan, sem er að mestu skipaður af sjálfboðaliðum. Heraflinn á þó að búa að tæplega þriggja milljóna varaliði. Meðlmir þess segjast hafa fengið litla sem enga þjálfun og jafnvel að þeir hafi bara einu sinni skotið úr byssu. Þetta er meðal þess sem kemur fram í ítarlegri umfjöllun Reuters fréttaveitunnar þar sem því er meðal annars haldið fram að ráðamenn í Kína séu í raun byrjaðir að herja á Taívan með óhefðbundnum hætti. Markmiðið sé ekki að sigra Taívan hernaðarlega heldur auka þrýstinginn á eyríkið jafnt og þétt og draga móðinn úr íbúum þess. Kínverjar hafa lengi gert tilkall til Taívan sem hefur í raun verið sjálfstætt ríki frá árinu 1949. Þá flúðu meðlimir þjóðernissinna til eyjunnar undan kommúnistum í borgarastyrjöld landsins. Taívan hefur þó aldrei formlega lýst yfir sjálfstæði. Bandaríkin slitu formlegum tengslum við Taívan árið 1979, að kröfu Kínverja, en hafa þrátt fyrir það haldið umfangsmiklum óformlegum tengslum við ríkið og útvega Taívan meðal annars vopn. Á undanförnum árum hefur sjálfstæðissinnum vaxið ásmegin í Taívan. Í umfjöllun Reuters segir þar að auki að nú þegar íbúar Taívan hafa séð hvernig komið hefur verið fram við lýðræðissinna í Hong Kong hafi þeir mögulega betri hugmynd hvernig aðstæður þeirra gætu breyst taki Kommúnistaflokkur Kína yfir stjórn eyjunnar. Sjá einnig: Stjórnarandstaða Hong Kong hættir á einu bretti Háttsettir forsvarsmenn í herafla Taívan segja markverða breytingu hafa átt sér stað í afstöðu ráðamanna í Kína á þessu ári. Embættismenn og herforingjar hafi hætt að ræða fræðilega um það að hernema Taívan með valdi og farið að tala sín á milli um áætlanir fyrir mögulegar hernaðaraðgerðir. Undanfarin ár hafa ráðmenn í Kína varið miklum fjármunum í að nútímavæða herafla landsins. Samhliða aukinni hernaðargetu hefur sjálftraust herforngja landsins aukist og hafa greinendur innan herafla Bandaríkjanna lýst yfir áhyggjum af því að Kínverjar telji sig geta hernumið Taívan. Starfsmenn varnarmálaráðuneytis Taívan eru þó ekki sammála því. Þrátt fyrir yfirburði Kínverja þyrftu þeir að flytja hermenn á skipum minnst 130 kílómetra yfir sundið á milli ríkjanna. Sú för yrði án efa blóðug. Þá hafa yfirvöld í Taívan haft 70 ár til að víggirða þá fáu staði þar sem hægt væri að lenda umfangsmiklum herafla. Í skýrslu um getu Kínverja sem sérfræðingar hers Taívan skrifa á ári hverju segir að þó Kínverjar búi yfir öflugum nútímavopnum og fjölmörgum hermönnum sé geta ríkisins til að flytja þá yfir sundið ekki til staðar. Sömuleiðis búi Kínverjar ekki yfir nægilega öflugu birgðaneti. Eins og greint er frá í umfjöllun Reuters yrði það mjög slæmt fyrir yfirráð Bandaríkjanna í Kyrrahafinu ef Kommúnistaflokkur Kína næði völdum í Taívan. Um árabil hafa Bandaríkjamenn kallað Kyrrahafið bakgarð sinn og hefur ríkið verið þar allsráðandi. Undanfarna mánnuði hafa ráðamenn í Bandaríkjunum gengið hart fram gegn Kína og aukið samskipti sín við Taívan. Mike Pompeo, utanríkisráðherra Bandaríkjanna, sagði nýverið berum orðum að eyríkið tilheyrði ekki Kína og féllu þau ummæli ekki í kramið í Peking. Sjá einnig: Hóta að refsa Bandaríkjunum vegna Taívan Spenna hefur aukist töluvert á svæðinu, bæði í tengslum við Taívan og í tengslum við ólöglegt tilkall Kína til nánast alls Suður-Kínhafs. Þar hafa Kínverjar byggt upp heilu eyjarnar og komið fyrir eldflaugum, flugvöllum og öðru. Sérfræðingar sem Reuters ræddi við segja ólíklegt að til hefðbundins stríðs komi á milli Kína og Taívan á næstunni. Bæði vegna þess að sigur Kínverja yrði ekki tryggður og að ráðamenn í Kína yrðu líklegast útskúfaðir af alþjóðasamfélaginu. Því hafi æðstu ráðamenn Kína ákveðið að beita óhefðbundnum hernaði gegn Taívan. Með því að þvinga mun smærri herafla eyríkisins til að bregðast við aðgerðum þeirra verði hægt að draga úr þeim móðinn til lengdar. Það muni reyna að flugmenn Taívan, flugvélar og fjármálin. Þar að auki eigi stanslausar ógnanir að hafa slæm áhrif á hermenn í Taívan. Bandaríkjamenn eru sagðir hafa ráðlagt ráðamönnum í Taívan að draga úr viðbrögðum sínum og senda ekki orrustuþotur til móts við kínverskar flugvélar í hvert sinn sem þeim er flogið inn í loftrýmiseftirlitssvæði þeirra. Það hafa Taívanar þó ekki tekið vel í. Ráðamenn í Taívan eru þó að bíða eftir því hvaða afstöðu Joe Biden, verðandi forseti Bandaríkjanna, mun taka gagnvart eyríkinu og Kína. Enn sem komið er hefur lítið verið gefið upp í þeim málum og neituðu Biden-liðar að svara fyrispurnum Reuters.
Taívan Kína Bandaríkin Suður-Kínahaf Hernaður Mest lesið „Vona að þú sofir vel“ Innlent „Ekki bara rekinn heldur á staðnum og fyrirvaralaust“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Kosningar í Ástralíu: Fylgi Íhaldsflokksins dvínar vegna framgöngu Trump Erlent „Þetta er vítahringur sem endurtekur sig í sífellu!“ Innlent Fyrirgefur fjölskyldunni og leitar sátta Erlent Tifandi tímasprengjan sem grunuð er um frelsissviptingu Innlent Sér fram á bjarta framtíð fyrir börnin þökk sé styrknum Innlent Buðu mótherjum Björgólfs fyrst þjónustu sína Innlent Í leyfi frá þingstörfum og flytur til New York Innlent Fleiri fréttir Kosningar í Ástralíu: Fylgi Íhaldsflokksins dvínar vegna framgöngu Trump Fyrirgefur fjölskyldunni og leitar sátta Gera úkraínsk ungmenni að sjálfsmorðssprengjumönnum Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Segjast hafa lent í drónaárás á alþjóðlegu hafsvæði Drengnum sleppt en fleiri handteknir Munaði sex atkvæðum Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Sjá meira