Tveir þættir verða í beinni útsendingu á sportrásum Stöðvar 2 í dag.
Í Seinni bylgjunni sem hefst kl. 20:00 á Stöð 2 Sport fer Henry Birgir yfir stöðu mála í Olís deild karla ásamt sérfræðingum Stöðvar 2 Sport. Engir leikir hafa verið á dagskrá undanfarið vegna hertra sóttvarnaraðgerða en Henry og félagar munu vera á sínum stað og fara yfir stöðuna í handboltanum á Íslandi.
Á slaginu 20:00 hefst þátturinn GameTíví á Stöð 2 eSport þar sem Óli Jóels, Kristján Einar og Dói spila nýjustu tölvuleikina á sinn einstaka máta. Ómissandi hluti af íslenskri tölvuleikjamenningu.
Þá verður einn leikur úr ítölsku úrvalsdeildinni í beinni útsendingu á Stöð 2 Sport 2 kl. 18:35 en það er leikur Hellas Verona og Genoa.
Alla dagskrá dagsins má síðan nálgast með því að smella hér.
