Innlent

Tíu leik­skóla­börn í sótt­kví eftir smit í Flóanum

Atli Ísleifsson skrifar
Leikskólinn Krakkaborg er að finna í Þingborg í Flóahreppi.
Leikskólinn Krakkaborg er að finna í Þingborg í Flóahreppi. Flóahreppur

Tíu nemendur á elstu deild leikskólans Krakkaborgar í Flóahreppi eru nú í sóttkví vegna samskipta við smitaðan einstakling síðastliðinn fimmtudag.

Frá þessu segir á vef Flóahrepps. Þar segir að brugðist hafi verið við aðstæðum eins og fyrirmæli sóttvarnarlæknis segi fyrir um. 

„Sýnataka er áætluð á fimmtudag. Niðurstaða sýnatöku mun liggja fyrir í lok vikunnar.

Ástæða er til að fara varlega og halda uppi mjög öflugum sóttvörnum, passa upp á fjarlægðarmörk, nota grímu sé þess þörf, huga að handþvotti og spritta snertifleti,“ segir í tilkynningunni.

Faraldur kórónuveiru (COVID-19) Flóahreppur Skóla - og menntamál

Mest lesið


Fleiri fréttir

Sjá meira


×

Mest lesið