Vegan-smjör innkallað vegna myglu

Matvælastofnun hefur sent út tilkynningu þar sem varað er við neyslu á tveimur lotum af vegan smjöri frá Naturli vegna hættu á mygluvexti. Þar kemur einnig fram að Kjarnavörur hf., innflutningsaðili smjörsins, inkalli það í samráði við Heilbrigðiseftirlit Hafnarfjarðar- og Kópavogssvæðis.

Matvælastofnun fékk upplýsingar um vöruna í gegnum RASFF evrópska viðvörunarkerfið um hættuleg matvæli og fóður á markaði og gerði heilbrigðiseftirlitinu viðvart.

Innköllunin á einungis við eftirfarandi framleiðslulotur:

• Vöruheiti: Naturli lífrænt vegan smjör

• Þyngd: 225 g

• BBD: 22.09.2020 og 23.09.2020

• Framleiðandi: Grönvang Food Aps, Vejen, Denmark

• Strikamerki: 5701977062118

• Dreifing: Hagkaup, Bónus, Krónan, Nettó, Kjörbúðin, Iceland, Fjarðarkaup, Melabúðin og Veganbúðin

Kjarnavörur svara spurningum viðskiptavina um að fá vöruna bætta á netfanginu kjarnavorur@kjarnavorur.is eða í síma 565-1430.