Martin Hermannsson átti enn einn stórleikinn í Euroleague deildinni í gærkvöldi þegar hann var með 19 stig, 8 stoðsendingar og 4 þrista í leik á móti efsta liðinu.
Martin hefur heldur betur raðað niður þristunum að undanförnu en í gærkvöldi bætti hann met sitt og Jóns Arnór Stefánssonar og varð fyrsti Íslendingurinn til að skora fjórar þriggja stiga körfur í einum leik í bestu deild í Evrópu.
Martin þurfti líka bara fimm tilraunir til að skora þessa fjóra þrista og bauð því upp á 80 prósent þriggja stiga skotnýtingu í leiknum í Berlín í gær.
Martin spilaði líka aðeins rétt rúmar 24 mínútur í leiknum sem gera 19 stig og 8 stoðsendingar hans enn merkilegri fyrir vikið.
Martin hefur náð að fóta sig vel í Euroleague deildinni og hefur bætt sig mikið á þessu tímabili. Það sést ekki síst á skotum hans fyrir utan þriggja stiga línuna.
Martin hitti „bara“ 22 prósent þriggja stiga skota sinna fram að jólum en hann setti niður 8 af 37 þriggja stiga skotum í fyrstu fjórtán leikjum sínum í Euroleague.
Martin hitti úr 2 af 4 þriggja stiga skotum sínum í leik á móti Kirolbet á öðrum degi jóla og var með átján stig í þeim leik.
Þessi leikur kveikti í Martin en hann hefur nýtt 49 prósent þriggja stiga skota sinna eftir jól og er á þeim tíma með 20 þrista í 11 leikjum eða næstum því tvo að meðaltali í leik.
Í síðustu þremur leikjum hefur Martin síðan sett niður 8 af 10 þriggja stiga skotum sínum sem er ótrúleg 80 prósent nýting en tveir af mótherjunum þremur voru tvö efstu liðin í Euroleague eða Anadolu Efes frá Istanbul og Real Madrid.
Leikurinn í gær var áttundi leikurinn hjá Martin Hermannssyni í Euroleague deildinni á þessu tímabili þar sem hann býður upp á 50 prósent eða betri þriggja stiga nýtingu.
Leikir Martin Hermannssonar í Eurolegue 2019-20 með 50% þriggja stiga nýtingu:
75% á móti Rauðu Stjörnunni 19. nóvember (3 af 4)
50% á móti Fenerbahce 6. desember (1 af 2)
50% á móti Kirolbet 26. desember (2 af 4)
50% á móti Rauðu Stjörnunni 17. janúar (3 af 6)
50% á móti Fenerbahce 30. janúar (2 af 4)
100% á móti Real Madrid 6. febrúar (2 af 2)
67% á móti Zenit St. Pétursborg 20. febrúar (2 af 3)
80% á móti Anadolu Efes 27. febrúar (4 af 5)
Martin með 80 prósent þriggja stiga nýtingu í síðustu þremur Euroleague leikjum
Tengdar fréttir
Martin heldur áfram að fara á kostum í EuroLeague
Martin Hermannsson heldur áfram að gera frábæra hluti með Alba Berlín í EuroLeague en hann skoraði nítján stig gegn toppliði deildarinnar, Anadolu Efes Istanbul, í kvöld.
Martin: EuroLeague er miklu stærri en Íslendingar gera sér grein fyrir
Íslenski landsliðsmaðurinn segist hafa spilað marga eftirminnilega leiki í EuroLeague í vetur.
Söguleg vika Martins: Valinn leikmaður umferðarinnar í EuroLeague
Martin Hermannsson var valinn besti leikmaður 25. umferðar EuroLeague í körfubolta.
„Er byrjaður að finna til á stöðum sem ég hef ekki fundið til á áður“
Þátttöku Alba Berlin í EuroLeague fylgir mikið leikjaálag sem Martin Hermannsson er að venjast.
Martin í hóp með stórstjörnum | „Vonandi er maður að vekja athygli“
„Vonandi er maður að vekja athygli hjá einhverju fólki,“ segir Martin Hermannsson sem hefur átt fullkomna viku í körfuboltanum og unnið merkileg afrek.
Sportpakkinn: Martin á radar stærri liða
"Þessi vika hjá Martin er ein glæsilegasta vika hjá íþróttamanni frá upphafi,“ segir Benedikt Guðmundsson, þjálfari kvennalandsliðsins í körfubolta, um framgöngu Martins Hermannssonar í síðustu viku.
Martin valinn mikilvægasti leikmaður úrslitaleiksins
Martin Hermannsson endurtók leikinn frá því þegar hann vann síðast titil í körfuboltanum. Hann var aftur valinn bestur.
„Nú fékk maður loksins að syngja með „We Are the Champions““
Martin Hermannsson varð þýskur bikarmeistari með Alba Berlin á sunnudaginn. Hann var stigahæstur í liði Alba Berlin í bikarúrslitaleiknum.
Tilþrifasyrpa Martins í stórleiknum í Pétursborg
Martin Hermannsson var maður leiksins þegar Alba Berlín vann mikilvægan sigur á Zenit í Pétursborg í Rússlandi á fimmtudagskvöld, í EuroLeague, sterkustu félagsliðakeppni Evrópu í körfubolta.
