ABC hafnaði þessari auglýsingu fyrir nýbakaðar mæður

Sjónvarpsstöðin ABC sætir nú harðri gagnrýni á samfélagsmiðlum og í fjölmiðlum ytra fyrir það að hafa hafnað því að sýna auglýsingu fyrir nýbakaðar mæður. Auglýsandi er fyrirtækið Frida Mom. 

Forsvarsmenn ABC gáfu þá skýringu að auglýsingin þætti of gróf og sýna of mikið. Þessi höfnun ABC hefur vakið hörð viðbrögð. Meðal þeirra sem hefur tjáð sig um málið er leikkonan Busy Phillips sem segist þreytt á því að búa í heimi sem hreinlega hafnar því að sjá hvernig það er að vera kona.

Auglýsinguna átti að sýna í auglýsingahléi Óskarsverðlaunahátíðarinnar og var því mikið lagt undir, enda þykja þau auglýsingapláss mjög dýr.