Svana breytti geymslunni í spa drauma sinna Sylvía Rut Sigfúsdóttir skrifar 5. ágúst 2020 21:00 Geymslan fyrir og eftir breytingar. Svana Símonardóttir segir að það sé mikilvægt í slíkum framkvæmdum að sníða stakk eftir vexti. Aðsendar myndir Svana Símonardóttir var að breyta geymslunni á heimili sínu á Akureyri í notalegt „spa“ herbergi með saunu. Þetta gerði hún á nokkrum dögum, en fékk aðstoð frá vinum og föður sínum með flutning á dóti og málningarvinnuna. Svana kom skipulagi á verkfæri og annað og færði yfir í bílskúrinn sjálfan og notaði ýmislegt í þetta nýja rými en annað fór á fata-og nytjamarkað Hjálpræðishersins. „Ég reyni alltaf að nýta hlutina. Þeir fá oft önnur hlutverk en ég mála oft og breyti því sem er orðið lúið en er samt hægt að nýta, útskýrir Svana. Þetta er því ekki fyrsta framkvæmdaverkefnið sem hún fer af stað í sjálf, en áður höfum við sagt frá breytingunum sem hún gerði á heimili sínu eftir að hún keypti eignina á síðasta ári. Svana er dugleg að sýna sniðugar breytingar og hugmyndir á Instagram, þar sýndi hún frá öllu ferlinu í þessari framkvæmd. „Við fluttum inn í hvelli í byrjun desember ásamt því að fara í framkvæmdir líka. Því var ýmsu hent inn í geymsluna sem er hálfur bílskúrinn. Það stóð alltaf til að laga til og fara betur í gegnum dótið þannig að þegar maðurinn minn var ekki heima um stund ákvað ég að græja rýmið og breyta því í kósý spa herbergi og koma honum á óvart í leiðinni,“ segir Svana. Svana Símonardóttir er dugleg að sýna frá breytingum og skreytingum heimilisins á Instagram.Mynd/Hulda Margrét „Þetta verkefni tók í heildina nokkra daga, kannski viku í heildina en með hléum þó. Það tók alveg nokkra klukkutíma að losa geymsluna eða bílskúrinn en vinur minn kom og aðstoði mig við að bera kassa og færa til. Vinkona mín kom svo og aðstoðaði mig við að mála rýmið og við kláruðum það á stuttum tíma. Sauna klefinn kom á miðvikudagskvöldi og var komin upp strax daginn eftir og hægt að nota hann strax þá. Það tók ekki mjög langan tíma að koma honum saman, aðalmálið var að bera hvern fleka fyrir sig niður í bílskúrinn en við þurftum að fara smá krókaleið en þetta hafðist allt,“ útskýrir Svana. Aðsend mynd „Mig langaði að skapa kósý spa stemningu og smá svona „sólarlandafíling“ með blómum, basti, drykkjarbar, skemmtilegri lýsingu og huggulegheitum. Herbergi sem notalegt væri að koma inn í,“ segir Svana um stemninguna í þessu rými. „Þegar ég er að spá í möguleikum og hvað er hægt að gera við ákveðið rými þá stundum bara sé ég fyrir mér eitthvað ákveðið og svo reyni ég að útfæra það betur með því að skoða til dæmis Pinterest og Instagram og fá frekari hugmyndir af ákveðnum atriðum sem ég sé fyrir mér. Ég til dæmis ætlaði að gera drykkjarbar í innskotinu en sá að það myndi kosta slatta, ég hefði þurft að láta smíða borð og setja upp hillur og annað og því ákvað ég frekar bara að nýta hornið sem skiptiaðstöðu. Ég málaði það, setti stiklur á gólfið, hengdi blóm í hornið og setti upp einfalda snaga sem ég átti til. Upphaflega var ég með ennþá stærri hugmyndir um útlit á rýminu en maður verður að sníða stakk eftir vexti, það er ekki hægt að framkvæma allt og það þarf að huga að kostnaði og öðrum þáttum líka. Þessi hugmynd sem ég endaði á að framkvæma var tiltölulega raunhæf í framkvæmd.“ Aðsend mynd Svana segir að stærsti kostnaðarliðurinn við þessa framkvæmd hafi verið saunaklefinn sem þrír einstaklingar geta notað á sama tíma. „Ég hef farið nokkrum sinnum í slíkan klefa og finnst bara dásamlegt að nota hann og manninum mínum sömuleiðis. Ég hef einnig verið að lesa mér til um infrarauða saunaklefa og möguleg jákvæð áhrif á ýmsa heilsutengda þætti, svo ég tala nú ekki um hversu notalegt það er að koma inn í hitann og svolítið gleyma stund og stað. Ég og maðurinn höfum látið okkur dreyma um slíkan klefa lengi og loksins er sá draumur orðin að veruleika.“ Í þetta verkefni reyndi hún svo að nota það sem hún átti nú þegar til á heimilinu eða í geymslunni. „Ég keypti málningu en ég átti einnig afgang frá því að ég var í framkvæmdum í vetur og því var sá kostnaðarliður ekki stór. Ég átti alveg helling af skrauti sjálf sem ég nýtti í þessar framkvæmdir, svo sem mottuna, skápana, blómin, borðið, sófann, hilluna, seríuna, púðana, gardínurnar, teppin og allt smádótið. Ég breytti því líka aðeins hjá mér heima í leiðinni, færði dót niður í saunherbergið og annað fór upp. Ég hef fundið ýmislegt fallegt og skemmtilegt á nytjamörkuðum í gegnum árin. Ég keypti ljósaborðann sem er ofan á klefanum, litla gosbrunnin og strandastólinn sérstaklega fyrir herbergið en flest annað átti ég.“ Aðsend mynd Það erfiðasta var að bera þunga kassa en Svana viðurkennir að það sé mjög gott að fara í gegnum hlutina sína öðru hvorum. Hún segir að besti hlutinn hafi svo verið innanhúshönnunin. „Að skreyta rými, að sjá það breytast og verða að einhverri heild er eitt af því skemmtilegasta sem ég geri. Að skapa og sjá möguleika er svo ótrúlega gaman. Það var líka rosalega gaman að geta komið manninum mínum á óvart.“ Svana segir að eiginmaðurinn hafi orðið hissa en glaður, því þau höfðu lengi talað um að fara í gegnum geymsluna. „Það eru alltaf einhver skemmtileg verkefni í gangi hjá mér í skreytingabransanum. Við Svandís vinkona ætlum að opna búð sem kallast Svartir Svanir í Sunnuhlíð á Akureyri í september og hlökkum við mikið til. Þar ætlum við að vera með ýmislegt fallegt til sölu fyrir heimilið,“ segir Svana að lokum. Hús og heimili Tengdar fréttir Svana gjörbreytti húsinu: „Mér finnst ég búa á hóteli“ Svana Rún Símonardóttir og Ríkarð Svavar Axelsson keyptu sér hús á síðasta ári og gerðu ýmsar breytingar áður en þau fluttu inn. Svarti liturinn einkennir húsið eftir breytingu. 10. mars 2020 14:03 Mest lesið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Blondie verður stjarnan á RIFF um helgina Lífið Freðinn faðir, fáránlegir fasistar og fyrsta flokks bíó Gagnrýni Wulfgang í tónleikaferð til Kína Tónlist Skilin að borði og sæng eftir 28 ára hjónaband Lífið Baunar á kókaða söngkonu fyrir baktal Tónlist Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira
Svana Símonardóttir var að breyta geymslunni á heimili sínu á Akureyri í notalegt „spa“ herbergi með saunu. Þetta gerði hún á nokkrum dögum, en fékk aðstoð frá vinum og föður sínum með flutning á dóti og málningarvinnuna. Svana kom skipulagi á verkfæri og annað og færði yfir í bílskúrinn sjálfan og notaði ýmislegt í þetta nýja rými en annað fór á fata-og nytjamarkað Hjálpræðishersins. „Ég reyni alltaf að nýta hlutina. Þeir fá oft önnur hlutverk en ég mála oft og breyti því sem er orðið lúið en er samt hægt að nýta, útskýrir Svana. Þetta er því ekki fyrsta framkvæmdaverkefnið sem hún fer af stað í sjálf, en áður höfum við sagt frá breytingunum sem hún gerði á heimili sínu eftir að hún keypti eignina á síðasta ári. Svana er dugleg að sýna sniðugar breytingar og hugmyndir á Instagram, þar sýndi hún frá öllu ferlinu í þessari framkvæmd. „Við fluttum inn í hvelli í byrjun desember ásamt því að fara í framkvæmdir líka. Því var ýmsu hent inn í geymsluna sem er hálfur bílskúrinn. Það stóð alltaf til að laga til og fara betur í gegnum dótið þannig að þegar maðurinn minn var ekki heima um stund ákvað ég að græja rýmið og breyta því í kósý spa herbergi og koma honum á óvart í leiðinni,“ segir Svana. Svana Símonardóttir er dugleg að sýna frá breytingum og skreytingum heimilisins á Instagram.Mynd/Hulda Margrét „Þetta verkefni tók í heildina nokkra daga, kannski viku í heildina en með hléum þó. Það tók alveg nokkra klukkutíma að losa geymsluna eða bílskúrinn en vinur minn kom og aðstoði mig við að bera kassa og færa til. Vinkona mín kom svo og aðstoðaði mig við að mála rýmið og við kláruðum það á stuttum tíma. Sauna klefinn kom á miðvikudagskvöldi og var komin upp strax daginn eftir og hægt að nota hann strax þá. Það tók ekki mjög langan tíma að koma honum saman, aðalmálið var að bera hvern fleka fyrir sig niður í bílskúrinn en við þurftum að fara smá krókaleið en þetta hafðist allt,“ útskýrir Svana. Aðsend mynd „Mig langaði að skapa kósý spa stemningu og smá svona „sólarlandafíling“ með blómum, basti, drykkjarbar, skemmtilegri lýsingu og huggulegheitum. Herbergi sem notalegt væri að koma inn í,“ segir Svana um stemninguna í þessu rými. „Þegar ég er að spá í möguleikum og hvað er hægt að gera við ákveðið rými þá stundum bara sé ég fyrir mér eitthvað ákveðið og svo reyni ég að útfæra það betur með því að skoða til dæmis Pinterest og Instagram og fá frekari hugmyndir af ákveðnum atriðum sem ég sé fyrir mér. Ég til dæmis ætlaði að gera drykkjarbar í innskotinu en sá að það myndi kosta slatta, ég hefði þurft að láta smíða borð og setja upp hillur og annað og því ákvað ég frekar bara að nýta hornið sem skiptiaðstöðu. Ég málaði það, setti stiklur á gólfið, hengdi blóm í hornið og setti upp einfalda snaga sem ég átti til. Upphaflega var ég með ennþá stærri hugmyndir um útlit á rýminu en maður verður að sníða stakk eftir vexti, það er ekki hægt að framkvæma allt og það þarf að huga að kostnaði og öðrum þáttum líka. Þessi hugmynd sem ég endaði á að framkvæma var tiltölulega raunhæf í framkvæmd.“ Aðsend mynd Svana segir að stærsti kostnaðarliðurinn við þessa framkvæmd hafi verið saunaklefinn sem þrír einstaklingar geta notað á sama tíma. „Ég hef farið nokkrum sinnum í slíkan klefa og finnst bara dásamlegt að nota hann og manninum mínum sömuleiðis. Ég hef einnig verið að lesa mér til um infrarauða saunaklefa og möguleg jákvæð áhrif á ýmsa heilsutengda þætti, svo ég tala nú ekki um hversu notalegt það er að koma inn í hitann og svolítið gleyma stund og stað. Ég og maðurinn höfum látið okkur dreyma um slíkan klefa lengi og loksins er sá draumur orðin að veruleika.“ Í þetta verkefni reyndi hún svo að nota það sem hún átti nú þegar til á heimilinu eða í geymslunni. „Ég keypti málningu en ég átti einnig afgang frá því að ég var í framkvæmdum í vetur og því var sá kostnaðarliður ekki stór. Ég átti alveg helling af skrauti sjálf sem ég nýtti í þessar framkvæmdir, svo sem mottuna, skápana, blómin, borðið, sófann, hilluna, seríuna, púðana, gardínurnar, teppin og allt smádótið. Ég breytti því líka aðeins hjá mér heima í leiðinni, færði dót niður í saunherbergið og annað fór upp. Ég hef fundið ýmislegt fallegt og skemmtilegt á nytjamörkuðum í gegnum árin. Ég keypti ljósaborðann sem er ofan á klefanum, litla gosbrunnin og strandastólinn sérstaklega fyrir herbergið en flest annað átti ég.“ Aðsend mynd Það erfiðasta var að bera þunga kassa en Svana viðurkennir að það sé mjög gott að fara í gegnum hlutina sína öðru hvorum. Hún segir að besti hlutinn hafi svo verið innanhúshönnunin. „Að skreyta rými, að sjá það breytast og verða að einhverri heild er eitt af því skemmtilegasta sem ég geri. Að skapa og sjá möguleika er svo ótrúlega gaman. Það var líka rosalega gaman að geta komið manninum mínum á óvart.“ Svana segir að eiginmaðurinn hafi orðið hissa en glaður, því þau höfðu lengi talað um að fara í gegnum geymsluna. „Það eru alltaf einhver skemmtileg verkefni í gangi hjá mér í skreytingabransanum. Við Svandís vinkona ætlum að opna búð sem kallast Svartir Svanir í Sunnuhlíð á Akureyri í september og hlökkum við mikið til. Þar ætlum við að vera með ýmislegt fallegt til sölu fyrir heimilið,“ segir Svana að lokum.
Hús og heimili Tengdar fréttir Svana gjörbreytti húsinu: „Mér finnst ég búa á hóteli“ Svana Rún Símonardóttir og Ríkarð Svavar Axelsson keyptu sér hús á síðasta ári og gerðu ýmsar breytingar áður en þau fluttu inn. Svarti liturinn einkennir húsið eftir breytingu. 10. mars 2020 14:03 Mest lesið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Blondie verður stjarnan á RIFF um helgina Lífið Freðinn faðir, fáránlegir fasistar og fyrsta flokks bíó Gagnrýni Wulfgang í tónleikaferð til Kína Tónlist Skilin að borði og sæng eftir 28 ára hjónaband Lífið Baunar á kókaða söngkonu fyrir baktal Tónlist Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira
Svana gjörbreytti húsinu: „Mér finnst ég búa á hóteli“ Svana Rún Símonardóttir og Ríkarð Svavar Axelsson keyptu sér hús á síðasta ári og gerðu ýmsar breytingar áður en þau fluttu inn. Svarti liturinn einkennir húsið eftir breytingu. 10. mars 2020 14:03