Sara Björk þýskur meistari

Sara Björk Gunnarsdóttir er þýskur meistari enn eitt árið en liðið tryggði sér titilinn í dag með 2-0 sigri á Freiburg í 20. umferðinni en alls eru leiknar 22 umferðir.

Joelle Wedemeyer skoraði fyrsta markið á 32. mínútu og hin danska Pernille Harder skoraði annað markið á annarri mínútu síðari hálfleiks. Lokatölur 2-0.

Sara Björk spilaði allan leikinn en þetta er fjórði deildarmeistaratitilinn í röð í Þýskalandi sem Sara vinnur. Hún getur bætt við fjórða bikarmeistaratitlinum einnig er þýski bikarinn klárast síðar í þessum mánuði.

Sara yfirgefur Wolfsburg í sumar en óvíst er hvar hún leikur á næstu leiktíð.