NBA með yfirlýsingu vegna áhyggna leikmanna

NBA-deildin hefur sent frá sér yfirlýsingu vegna þeirra áhyggna sem leikmenn deildarinnar hafa haft af því að hún byrji aftur. 

,,Við skiljum áhyggjur leikmanna og erum að vinna með leikmannasamtökunum til að koma til móts við þeirra áhyggjur,“ segir í yfirlýsingunni.

Kyrie Irving og Lou Williams eru meðal þeirra leikmanna sem hafa haft áhyggjur af því að endurkoma deildarinnar verði til þess að bakslag verði í réttindabaráttu svarts fólks í Bandaríkjunum vegna morðsins á George Floyd. NBA deildin á að hefjast aftur í lok júlí.