Lögreglumenn á Suðurlandi fundu fyrir nokkrum dögum síðan tæp þrjátíu kíló af kannabisefnum tilbúnum til þurrkunar og pökkunar.
Lögregla greinir frá þessu í færslu á Facebook. Þar segir að efnin hafi fundist í flutningabíl sem staðsettur var í uppsveitum Árnessýslu.
„Í lok síðustu viku fóru lögreglumenn einnig í húsleit á Selfossi og fannst við þá leit töluvert magn fíkniefna, sum í söluumbúðum. Húsráðandi er grunaður um sölu og dreifingu fíkniefna,“ segir í tilkynningunni.
