Yfir fjörutíu smituðust af Covid-19 í messu

Yfir fjörtuíu manns greindust með kórónuveiruna sem veldur Covid-19 eftir að hafa mætt í messu í Frankfurt í Þýskalandi fyrr í mánuðinum. Þetta kemur fram á vef Reuters en heilbrigðisyfirvöld í borginni staðfesta þetta.

Flest þeirra smituðu eru með væg einkenni að sögn yfirvalda. Aðeins einn hefur verið lagður inn á sjúkrahús eftir smitið en messan fór fram þann 10. maí.

Að sögn heilbrigðisyfirvalda braut samkoman ekki gegn tilmælum yfirvalda en kirkjum á svæðinu hefur verið heimilt að halda messur frá og með 1. maí, svo lengi sem þær fylgja sóttvarnaleiðbeiningum og fjarlægðartakmörkunum.