NBA-leikmaðurinn með kórónuveiruna gerði lítið úr hættunni á dögunum

Franski körfuboltamaðurinn Rudy Gobert hjá Utah Jazz er kominn með kórónuveiruna og eftir að fréttist að af því að hann væri smitaður þá ákvað NBA deildin að fresta öllum leikjum í deildinni.

Smit Rudy Gobert þýddi líka að leikmenn allra lið sem Utah Jazz liðið hafði mætt að undanförnu þurftu að fara í sóttkví.

Eftir að fréttist af jákvæðu sýni Rudy Gobert þá voru menn fljótir að rifja upp blaðamannafund Rudy Gobert fyrir aðeins tveimur dögum.

Rudy Gobert gerði þá grína að kórónuveirunni og smithættunni í lok blaðamannafundarins.

Gobert lék sér þá að því að snerta alla hljóðnemana á borðinu fyrir framan sig eins og sjá má á myndbandinu hér fyrir neðan.