Mynduðu kross á Heimakletti til minningar um elsku vin sinn Leif Magnus

Það er óhætt að segja að sorg ríki í Vestmannaeyjum eftir að Leif Magnus Grétarsson Thisland fannst látinn í Núpá í Sölvadal þar sem slys varð á miðvikudagskvöld hvar Leif var við vinnu.

Leif flutti til Vestmannaeyja árið 2011 en föðurfjölskylda hans er Eyjafólk. Þrír vinir Leifs Magnus heiðruðu minningu hans í kvöld. Þeir skokkuðu upp á Heimaklett og kveiktu á kertum sem mynduðu kross til minningar um vin sinn. 

Arnar Gauti Egilsson, Snorri Rúnarsson og Hafþórs Hafsteinsson minnast elsku vinar síns.

„Hvíldu í friði elsku vinur,“ eru skilaboð vinanna þriggja til Leifs Magnus en það er vefmiðillinn Tígull í Eyjum sem greinir frá.