Flutti ræðu í borgar­stjórn í bundnu máli

Dóra Björt Guðjónsdóttir, borgarfulltrúi Pírata, flutti ræðu sína í borgarstjórn í dag í bundnu máli. Til umræðu var frumvarp að fjárhagsáætlun borgarinnar fyrir árið 2020 og fimm ára áætlun 2020-2024. Borgarlína, grænar lausnir, og húsnæðis- og skólamál eru meðal þess sem kom við sögu í máli Dóru en hún sló botninn í ræðuna með því að ítreka vilja sinn um að losna við flugvöllinn úr Vatnsmýrinni.

Sjá einnig: Borgin gerir ráð fyrir 20 milljörðum í fjárfestingar á næsta ári





„Skilaboð geta bara batnað með hrynjanda og rími. Ég vona að þið kunnið að meta smá af góðu gríni. Góða ferð og gangi ykkur vel,“ sagði Dóra er hún hóf mál sitt en afganginn af ræðunni má lesa hér að neðan.



Með betri þjónustu borgin okkar verður vænni 

Tökum nokkur stökk svo hún verði líka grænni

Á forsendum íbúanna með róttækni að vopni

Skiljum við fortíðina, við þurfum framsækni

Með öflugum aðgerðum geng heimilisleysi

Okkar kæra fólki þannig reddum eigin pleisi

Húsnæði fyrir alla og öll höfuð undir þök

Við vinnum hörðum höndum til að stoppa í þessi göt

Göngugötur fyrir alla, við viljum ganga og hjóla

Leikskólar til að læra, til að gleðjast, til að róla

Af krafti skulum efla fólksins ör- og frjálsa flæði

Með menntastefnu styrkjum við svo okkar lýðræði

Áhersla á nýsköpun og með því mögnuð svið

Faglegri vinnubrögð og við horfum fram á við

Hendum breytingum frá 2007

Meira af því er nú í fjárhagsáætlun númer tvö

Aukum jafnrétti því rétturinn er okkar

Skírt umburðarlyndi okkur góða fólkið lokkar

Valdefling íbúa í íbúaráðum

Fræjum breytinga og nýunga við stráum

Skjalakerfi fáum við nú öflugt og nýtt

Búin að bíða ansi lengi en margt þá verður títt

Kominn tími á að rafrænt taki völdin

Eftir hverju er að bíða það er 21. öldin

Notendavæn svo um munar við svo sannarlega verðum

Með þeim pælingum nú stjórnkerfið við herðum

Snjallborgin fyrr og nú opnar huga vor og hjarta

Höldum áfram að þróa fyrir framtíðina bjarta

Græna netið kemur með náttúruna flotta og fína

Þar að auki betri strætó, okkar kæra borgarlína

Fetum nokkur skref í átt að meiri skilun og flokkun

Gas- og jarð- og lífrænt og við loftslagsmálin rokkum

Evrópupeningar fyrir orkuskipti í samgöngum

Með breyttum ferðavenjum áfram keik við göngum

Megum engan tíma missa minnkum kolefnisins spor

Þar sem núna þörfnumst við er kjarkur, styrkur og þor

Sækjum um að verða Evrópunnar græna borg

Grænt eykur lífsins gæði um bæði göturnar og torg

Reykjavíkin vaxi og dafni eins og fegursta jurt

Þéttum byggð, lífgum við og svo flugvöllinn burt