Boða breytingar á merki KSÍ Stefán Ó. Jónsson skrifar 28. október 2019 12:15 Guðni Bergsson, formaður KSÍ, í ræðustól fyrir framan merki sambandsins. mynd/ksí Meðal þeirra verkefna sem auglýsingastofan Brandenburg mun sinna fyrir Knattspyrnusamband Íslands, sem endurskoðar nú vörumerkjamál sín, er að ráðast í breytingar á sjálfu auðkenni sambandsins. Vonir standa til að hægt verði að kynna afrakstur vinnunnar í upphafi nýs árs, í aðdraganda Evrópumóts karla í knattspyrnu næsta sumar. „Það er orðið langt síðan vörumerkjamál sambandsins voru skoðuð,“ segir Ragnar Gunnarsson, framkvæmdastjóri Brandenburgar, þegar hann er beðinn um að útskýra hvað það þýðir að auglýsingastofan ætli að styðja við „mótun, uppbyggingu og þróun á vörumerkjum sambandsins,“ eins og það er orðað í tilkynningu sem send var á fjölmiðla fyrir hádegi. Brandenburg var valin úr hópi þriggja auglýsingastofa til að sinna þessari endurskoðun, Ragnar segist þó ekki tilbúinn að fara út í það hvaða hugmyndir auglýsingastofunnar sannfærðu KSÍ um að skipta við sig. Þær verði kynntar síðar. Þó er ljóst að eitt þeirra atriða sem er nú til skoðunar er merki KSÍ, sem sjá má á landsliðsbúningum Íslands, og „hvernig það er notað og birtist. Þau mál er nú verið að endurskoða og móta stefnu fyrir sambandið, “ eins og Ragnar orðar það. „Það liggur alveg ljóst fyrir að verið er að endurskoða gamla merkið.“Núverandi merki KSÍ.Lagaákvæði um merki KSÍ var einmitt breytt á ársþingi sambandsins í upphafi árs og orðalag þess um útlit fjarlægt. Það gaf stjórn sambandsins heimild til breyta útliti merkisins, sem samkvæmt fyrri lögum var lýst með eftirfarandi hætti:„Sýnir fánaveifu og knött fyrir ofan KSÍ skammstöfunina. Merkið er í íslensku fánalitunum, grunnurinn er hvítur, bókstafir bláir, fánaveifa blá, hvít og rauð, og knöttur blár og hvítur.“ Markmiðið yfirstandandi endurskoðunar sé að „styrkja vörumerki KSÍ“ að sögn Ragnars, ekki síst að auka tekjumöguleika þess - til að mynda í útlöndum. „Eins og við höfum séð á síðustu stórmótum, þá er það ekki bara Íslendingar sem hafa haft áhuga á landsliðunum heldur líka útlendingar sem hafa verið að kaupa alls konar varning þeim tengdum,“ segir Ragnar. En hvernig ætlar Brandenburg að auka tekjumöguleika KSÍ? Hvað er undir? „Það er heildarútlit alls þess varnings og búninga sem þetta merki mun birtast á.“ Brandenburg muni þó líklega ekki hlutast til um hönnun sjálfs landsliðsbúningsins, það hefur alla jafna verið á könnu fataframleiðandans sem KSÍ semur við hverju sinni. Ragnar telur þessa heildarvörumerkjaendurskoðun KSÍ tímabæra og vísar til útlenskra fordæma. „Við erum að sjá að erlend félög, jafnt landslið sem félagslið, eru að hugsa þessi mál miklu stærra. Þetta er miklu meira en bara einhver treyja. Það er orðinn mikill iðnaður í kringum þetta, sem KSÍ ætlar sér að fara að nota á markvissari hátt og hvetja undirfélög sín til að gera slíkt hið sama,“ segir Ragnar.Fulltrúar KSÍ og Brandenburgar stilltu sér upp á Laugardalsvelli.brandenburgOg hvað þýðir það?„Í rauninni erum við að tala um alla snertifleti þar sem vörumerkið kemur við sögu. Búningar, auglýsingavörur, leikvöllurinn sjálfur og bara heildarásjóna sambandsins og landsliðanna.“ Víða erlendis sé varningur tengdur landssamböndunum orðinn að tískuvöru. „Maður sá til að mynda í síðustu heimsmeistarakeppni þá þótti landsliðsbúningur Nígeríu heitasta varan í tískubransanum“ segir Ragnar. Alveg þangað til að þeir unnu íslenska landsliðið 2-0 í riðlakeppninni. „Já, þá minnkaði alla vega áhuginn hér,“ segir Ragnar og hlær. Hann býst við því að fyrsti afrakstur vörumerkjavinnu Brandenburgar verði ljós innan nokkurra mánaða, í upphafi næsta árs. „Það er bara vonandi að við komumst inn á næsta stórmót,“ segir Ragnar og vísar þar til Evrópumótsins næsta sumar. „EM alls staðar,“ eins og það er stundum kallað, vegna þess að keppt verður víða um Evrópu. Hver veit nema að íslenska landsliðið muni mæta þar til leiks, með nýtt merki KSÍ á brjóstkassanum. Auglýsinga- og markaðsmál KSÍ Mest lesið Útboðið fari vel af stað og allar líkur á að magnið aukist Viðskipti innlent Vikan sem vex og vex: „Magatilfinningin er jafnvel mikilvægust“ Atvinnulíf Apple skoðar að stýra snjalltækjum með hugsunum Viðskipti erlent Jákvætt að almenningur njóti forgangs við söluna Viðskipti innlent Verslun Nettó í Glæsibæ opnar líklega á morgun Viðskipti innlent Áskriftir borist í 20 prósenta hlut í Íslandsbanka Viðskipti innlent Varar við framtíðarreikningum í nafni barnsins Neytendur Dregur úr tapi og notendum fjölgar um 66 prósent Viðskipti innlent Útboðið á ríkishlutum í Íslandsbanka hafið Viðskipti innlent Síðasti dropinn á sögulegri stöð Viðskipti innlent Fleiri fréttir Útboðið fari vel af stað og allar líkur á að magnið aukist Jákvætt að almenningur njóti forgangs við söluna Áskriftir borist í 20 prósenta hlut í Íslandsbanka Verslun Nettó í Glæsibæ opnar líklega á morgun Dregur úr tapi og notendum fjölgar um 66 prósent Vonar að almenningur nýti forganginn í bankasölunni Ráðinn forstöðumaður Öryggislausna OK Útboðið á ríkishlutum í Íslandsbanka hafið Síðasti dropinn á sögulegri stöð Ráðuneytið ræður fjögur íslensk fjármálafyrirtæki vegna sölunnar á Íslandsbanka Sjóvá fundaði með PPP en afþakkaði þjónustu Svandís tekur við Fastus lausnum Ráðinn framkvæmdastjóri Starbucks á Íslandi Tæknin geti komið í veg fyrir þjófnað Hafa þegar skilað nettóbindingu en tafir á stærri föngunarstöð „Umbreyting í átt að velsældarhagkerfi krefst hugrekkis“ Salan á Íslandsbanka: Samið við fjóra erlenda söluaðila Til IDS á Íslandi frá Íslenskri erfðagreiningu Hagnaðist um rúma fimm milljarða á fyrsta ársfjórðungi Hundrað og fimmtíu manns unnu að opnuninni Samþykktu að bæta við leið fyrir stóra fjárfesta í sölu Íslandsbanka Gríðarlegt áhyggjuefni fyrir Norðurþing Ingunn ráðin framkvæmdastjóri Auðnu Rannsakendur og nemendur við HA fá aðgang að sérhæfðu gervigreindartóli Tæplega átta milljarða króna viðsnúningur milli ára Rekstrarstöðvun sé yfirvofandi á Bakka Til Samtaka atvinnulífsins eftir mánuð á auglýsingastofu Margrét hættir sem forstjóri Nova Sýkna í Samskipamálinu en Eimskip þarf samt að passa sig Ekkert fékkst upp í gjaldþrot upp á tugi milljóna Sjá meira
Meðal þeirra verkefna sem auglýsingastofan Brandenburg mun sinna fyrir Knattspyrnusamband Íslands, sem endurskoðar nú vörumerkjamál sín, er að ráðast í breytingar á sjálfu auðkenni sambandsins. Vonir standa til að hægt verði að kynna afrakstur vinnunnar í upphafi nýs árs, í aðdraganda Evrópumóts karla í knattspyrnu næsta sumar. „Það er orðið langt síðan vörumerkjamál sambandsins voru skoðuð,“ segir Ragnar Gunnarsson, framkvæmdastjóri Brandenburgar, þegar hann er beðinn um að útskýra hvað það þýðir að auglýsingastofan ætli að styðja við „mótun, uppbyggingu og þróun á vörumerkjum sambandsins,“ eins og það er orðað í tilkynningu sem send var á fjölmiðla fyrir hádegi. Brandenburg var valin úr hópi þriggja auglýsingastofa til að sinna þessari endurskoðun, Ragnar segist þó ekki tilbúinn að fara út í það hvaða hugmyndir auglýsingastofunnar sannfærðu KSÍ um að skipta við sig. Þær verði kynntar síðar. Þó er ljóst að eitt þeirra atriða sem er nú til skoðunar er merki KSÍ, sem sjá má á landsliðsbúningum Íslands, og „hvernig það er notað og birtist. Þau mál er nú verið að endurskoða og móta stefnu fyrir sambandið, “ eins og Ragnar orðar það. „Það liggur alveg ljóst fyrir að verið er að endurskoða gamla merkið.“Núverandi merki KSÍ.Lagaákvæði um merki KSÍ var einmitt breytt á ársþingi sambandsins í upphafi árs og orðalag þess um útlit fjarlægt. Það gaf stjórn sambandsins heimild til breyta útliti merkisins, sem samkvæmt fyrri lögum var lýst með eftirfarandi hætti:„Sýnir fánaveifu og knött fyrir ofan KSÍ skammstöfunina. Merkið er í íslensku fánalitunum, grunnurinn er hvítur, bókstafir bláir, fánaveifa blá, hvít og rauð, og knöttur blár og hvítur.“ Markmiðið yfirstandandi endurskoðunar sé að „styrkja vörumerki KSÍ“ að sögn Ragnars, ekki síst að auka tekjumöguleika þess - til að mynda í útlöndum. „Eins og við höfum séð á síðustu stórmótum, þá er það ekki bara Íslendingar sem hafa haft áhuga á landsliðunum heldur líka útlendingar sem hafa verið að kaupa alls konar varning þeim tengdum,“ segir Ragnar. En hvernig ætlar Brandenburg að auka tekjumöguleika KSÍ? Hvað er undir? „Það er heildarútlit alls þess varnings og búninga sem þetta merki mun birtast á.“ Brandenburg muni þó líklega ekki hlutast til um hönnun sjálfs landsliðsbúningsins, það hefur alla jafna verið á könnu fataframleiðandans sem KSÍ semur við hverju sinni. Ragnar telur þessa heildarvörumerkjaendurskoðun KSÍ tímabæra og vísar til útlenskra fordæma. „Við erum að sjá að erlend félög, jafnt landslið sem félagslið, eru að hugsa þessi mál miklu stærra. Þetta er miklu meira en bara einhver treyja. Það er orðinn mikill iðnaður í kringum þetta, sem KSÍ ætlar sér að fara að nota á markvissari hátt og hvetja undirfélög sín til að gera slíkt hið sama,“ segir Ragnar.Fulltrúar KSÍ og Brandenburgar stilltu sér upp á Laugardalsvelli.brandenburgOg hvað þýðir það?„Í rauninni erum við að tala um alla snertifleti þar sem vörumerkið kemur við sögu. Búningar, auglýsingavörur, leikvöllurinn sjálfur og bara heildarásjóna sambandsins og landsliðanna.“ Víða erlendis sé varningur tengdur landssamböndunum orðinn að tískuvöru. „Maður sá til að mynda í síðustu heimsmeistarakeppni þá þótti landsliðsbúningur Nígeríu heitasta varan í tískubransanum“ segir Ragnar. Alveg þangað til að þeir unnu íslenska landsliðið 2-0 í riðlakeppninni. „Já, þá minnkaði alla vega áhuginn hér,“ segir Ragnar og hlær. Hann býst við því að fyrsti afrakstur vörumerkjavinnu Brandenburgar verði ljós innan nokkurra mánaða, í upphafi næsta árs. „Það er bara vonandi að við komumst inn á næsta stórmót,“ segir Ragnar og vísar þar til Evrópumótsins næsta sumar. „EM alls staðar,“ eins og það er stundum kallað, vegna þess að keppt verður víða um Evrópu. Hver veit nema að íslenska landsliðið muni mæta þar til leiks, með nýtt merki KSÍ á brjóstkassanum.
Auglýsinga- og markaðsmál KSÍ Mest lesið Útboðið fari vel af stað og allar líkur á að magnið aukist Viðskipti innlent Vikan sem vex og vex: „Magatilfinningin er jafnvel mikilvægust“ Atvinnulíf Apple skoðar að stýra snjalltækjum með hugsunum Viðskipti erlent Jákvætt að almenningur njóti forgangs við söluna Viðskipti innlent Verslun Nettó í Glæsibæ opnar líklega á morgun Viðskipti innlent Áskriftir borist í 20 prósenta hlut í Íslandsbanka Viðskipti innlent Varar við framtíðarreikningum í nafni barnsins Neytendur Dregur úr tapi og notendum fjölgar um 66 prósent Viðskipti innlent Útboðið á ríkishlutum í Íslandsbanka hafið Viðskipti innlent Síðasti dropinn á sögulegri stöð Viðskipti innlent Fleiri fréttir Útboðið fari vel af stað og allar líkur á að magnið aukist Jákvætt að almenningur njóti forgangs við söluna Áskriftir borist í 20 prósenta hlut í Íslandsbanka Verslun Nettó í Glæsibæ opnar líklega á morgun Dregur úr tapi og notendum fjölgar um 66 prósent Vonar að almenningur nýti forganginn í bankasölunni Ráðinn forstöðumaður Öryggislausna OK Útboðið á ríkishlutum í Íslandsbanka hafið Síðasti dropinn á sögulegri stöð Ráðuneytið ræður fjögur íslensk fjármálafyrirtæki vegna sölunnar á Íslandsbanka Sjóvá fundaði með PPP en afþakkaði þjónustu Svandís tekur við Fastus lausnum Ráðinn framkvæmdastjóri Starbucks á Íslandi Tæknin geti komið í veg fyrir þjófnað Hafa þegar skilað nettóbindingu en tafir á stærri föngunarstöð „Umbreyting í átt að velsældarhagkerfi krefst hugrekkis“ Salan á Íslandsbanka: Samið við fjóra erlenda söluaðila Til IDS á Íslandi frá Íslenskri erfðagreiningu Hagnaðist um rúma fimm milljarða á fyrsta ársfjórðungi Hundrað og fimmtíu manns unnu að opnuninni Samþykktu að bæta við leið fyrir stóra fjárfesta í sölu Íslandsbanka Gríðarlegt áhyggjuefni fyrir Norðurþing Ingunn ráðin framkvæmdastjóri Auðnu Rannsakendur og nemendur við HA fá aðgang að sérhæfðu gervigreindartóli Tæplega átta milljarða króna viðsnúningur milli ára Rekstrarstöðvun sé yfirvofandi á Bakka Til Samtaka atvinnulífsins eftir mánuð á auglýsingastofu Margrét hættir sem forstjóri Nova Sýkna í Samskipamálinu en Eimskip þarf samt að passa sig Ekkert fékkst upp í gjaldþrot upp á tugi milljóna Sjá meira