Bjarni Kristjánsson, fyrrverandi rektor Tækniskólans, lést síðastliðinn föstudag á hjúkunarheimilinu Sóltúni. Bjarni var níræður. Mbl.is greinir frá.
Bjarni var kennari við Tækniskóla Íslands frá stofnun hans og rektor frá árinu 1966. Þeirri stöðu gegndi hann til ársins 1990 en sinnti áfram stundarkennslu í tæknigreinum í framhaldinu.
Bjarni var mikill veiðimaður, bæði stangveiðimaður og skotveiðimaður. Hann skrifaði árið 2012 bókina Glettni Veiðigyðjunnar - ekki nema það þó! en Bjarni gaf bókina út ásamt Kristjáni syni sínum.
Vinsæla straumflugan Rektorinn var nefnd eftir Bjarna.

