Greining Íslandsbanka spáir því að peningastefnunefnd Seðlabankans ákveði að lækka vexti um 0,25 prósentustig við næstu vaxtaákvörðun þann 28. ágúst. Meginvextir bankans, vextir á 7 daga bundnum innlánum, verða samkvæmt því 3,50%.
Um er að ræða fyrstu ákvörðun nefndarinnar eftir að Ásgeir Jónsson tók við sem Seðlabankastjóri eftir tíu ár Más Guðmundssonar í brúnni.
„Það er búið að vera sjö, átta ára uppsveifla og það er að hægja á hagkerfinu núna. Við erum að sjá fækkun ferðamanna. Það kallar á stýrivaxtalækkanir sem gætu hæglega haldið áfram. Við erum líka að sjá kjarasamninga sem ég tel að stuðli að stöðugleika í landinu og allt þetta undirbyggir frekari stýrivaxtalækkanir. En þetta veltur dálítið á því hvernig hagkerfið þróast. Ísland er svo lítið land og við erum svolítið eins og hálfgerður klúbbur þannig að hagkerfið er mjög fljótt að snúast,“ sagði Ásgeir í fréttum Stöðvar 2 í vikunni.
Tilkynnt verður um stýrivexti að morgni 28. ágúst.
Uppfært klukkan 14:30
Hagsjá Landsbankans er sammála Greiningu Íslandsbanka og spáir 0,25 prósentustiga lækkun.
Spá því að Ásgeir lækki stýrivexti um leið
Tengdar fréttir
Segist hafa verið með svartsýnustu mönnum fyrir hrun
Ásgeir Jónsson svaraði spurningum um þátttöku sína á árunum fyrir efnahagshrunið.
Stýrivaxtalækkanir "gætu hæglega haldið áfram“
Ásgeir Jónsson, sem í dag tók við embætti seðlabankastjóra, segir að fækkun ferðmanna kalli á stýrivaxtalækkanir sem gætu hæglega haldið áfram.
