Tileinkaði messuna fórnarlömbunum í Dayton

Rapparinn Kanye West hefur undanfarnar helgar haldið sunnudagsmessur utandyra. Siðurinn hófst 6. janúar og hefur West látið lítið stoppa sig síðan.

Í þessum messum hefur Kanye sungið og rappað gospelútgáfur af lögum sínum og nýtur þar stuðnings hljómsveitar og kórs.

Messuna í gær tileinkaði West fórnarlömbum skotárásarinnar í Dayton í Ohio-ríki sem framin var fyrr í mánuðinum. Tíu létust í árásinni sem framin var af 24 ára gömlum karlmanni 4. ágúst síðastliðinn.

Messan fór því fram í borginni Dayton og var eftirlifendum árásarinnar boðið í messuna. Þá stýrði vinur Kanye West, grínistinn Dave Chapelle, messunni og hélt ávarp.

Chapelle sem býr í nágrenni Dayton sagði að besta leiðin til þess að minnast hinna föllnu væri að rísa upp og verða betri en nokkur sinni fyrr.

In support of the victims and survivors of the Dayton mass shooting https://t.co/RFr8A4birh

— Kim Kardashian West (@KimKardashian) August 25, 2019