Þessir tólf spila gegn Portúgal á miðvikudagskvöldið

Craig Pedersen, landsliðsþjálfari í körfubolta, og hans aðstoðarmenn hafa valið hvaða leikmenn munu spila gegn Portúgal á miðvikudaginn.

Leikurinn er liður í forkeppni að undankeppni EM 2021 en þetta er þriðja og síðasta umferðin í forkeppninni. Íslenska liðið hélt út í gærmorgun.

Sigurvegarinn í riðli Íslands kemst í undankeppnina en auk Portúgal er Sviss einnig í riðlinum. Sviss hafði betur gegn Portúgal á laugardaginn, 77-72.

Þeir Collin Pryor, Kristinn Pálsson og Ragnar Nathanaelsson verða ekki með í leiknum á miðvikudaginn en hópinn má sjá hér að neðan.

Þeir leikmenn sem skipa liðið gegn Portúgal á miðvikudaginn eru:

Frank Aron Booker · ALM Évreux, Frakkland (Nýliði)

Gunnar Ólafsson · Keflavík (14)

Elvar Már Friðriksson · Njarðvík (42)

Hlynur Bæringsson · Stjarnan (125)

Hörður Axel Vilhjálmsson · Keflavík (78)

Jón Axel Guðmundsson · Davidson, USA (7)    

Hjálmar Stefánsson · Haukar (12)    

Martin Hermannsson · Alba Berlin, Þýskaland (65)

Ólafur Ólafsson · Grindavík (32)

Pavel Ermolinskij · KR (69)

Tryggvi Snær Hlinason · Zaragosa, Spánn (33)

Ægir Þór Steinarsson · Stjarnan (57)