Sérsveitin handtók þrjá eftir að tilkynnt hafði verið um hávaða

Þrír voru vistaðir í fangaklefa eftir aðgerð lögreglu og sérsveitar í austurbæ Reykjavíkur í nótt þar sem lögregla fékk tilkynningum um hávaða frá samkvæmi í heimahúsi. Þetta kemur fram í dagbók lögreglu þar sem er farið yfir helstu mál næturinnar. Ekki voru veittar frekari upplýsingar í dagbók lögreglu um þá þrjá sem voru vistaðir í fangklefa vegna hávaðans í heimahúsi. Kristján Ólafur Guðnason, yfirlögregluþjónn á höfuðborgarsvæðinu, vildi ekki veita frekari upplýsingar um málið þegar Vísir hafði samband við hann.

Þá barst lögreglu tilkynning um innbrot í fyrirtæki í Kópavogi. Lögreglan handtók mann í Grafarvogi vegna húsbrots og vopnalaga, þá var annar maður handtekinn í Garðabæ vegna aksturs undir áhrifum fíkniefna ásamt því að vera sviptur ökuréttindum. Maðurinn einnig með fíkniefni meðferðis, laus að sýnatöku lokinni.