Útlit er fyrir að kyrrsetning Boeing 737 MAX flugvéla muni vara lengur en reiknað hafði verið með og hefur Icelandair því uppfært flugáætlun sína til loka október næstkomandi. Svo segir í tilkynningu frá flugfélaginu.
Icelandair bætti fimm leiguvélum við flota sinn í sumar til að lágmarka áhrif kyrrsetningarinnar á farþega. Leigusamningar tveggja þessara véla renna út í lok ágúst en þrjár verða í rekstri hjá félaginu út september. Unnið er að því að útfæra framlengingu leigusamnings einnar vélar út október.
„Við þessar breytingar dregst sætaframboð félagsins á tímabilinu 16. september til 26. október saman um 4% frá því sem áður var áætlað,“ segir í tilkynningunni.
„Eins og fram hefur komið hefur félagið lagt megináherslu á fjölgun farþega á mörkuðunum til og frá Íslandi og hefur félagið aldrei flutt fleiri farþega til Íslands en það sem af er sumri, eða 354 þúsund farþega í maí og júní samanborið við 257 þúsund á sama tímabili í fyrra. Þá eru bókanir á markaðinum til Íslands á tímabilinu júlí til október rúmlega 20% fleiri en á sama tímabili í fyrra.“
Fram kemur að vinna varðandi þessar breytingar muni hefjast á næstu dögum og munu starfsmenn Icelandair hafa samband við viðkomandi farþega.
„Fjárhagsleg áhrif kyrrsetningarinnar eru enn óviss á þessu stigi, m.a. vegna þess að ekki liggur fyrir hversu mikið af þeim kostnaði sem hlýst af kyrrsetningunni fæst bættur frá framleiðanda.“
Verð á bréfum í Icelandair Group hefur fallið um fimm prósent það sem af er degi.
Icelandair breytir flugáætlun vegna kyrrsetningar Boeing 737 MAX
Kolbeinn Tumi Daðason skrifar

Mest lesið

Röntgenveldið tekur yfir rekstur Bullseye
Viðskipti innlent

Arctic Adventures kaupir Happy Campers
Viðskipti innlent

Trump-tollar tóku gildi í nótt
Viðskipti erlent

Hitastigið í hagkerfinu hærra en áður var talið
Viðskipti innlent

Enn ein eldrauð opnun
Viðskipti innlent

Ísland brotlegt í pitsaostamálinu
Viðskipti innlent

ÍL-sjóður: LV gengur að tilboði ríkisins
Viðskipti innlent


Jóhanna Vigdís til liðs við Keystrike
Viðskipti innlent

Fjögur ráðin í nýtt gagna- og gervigreindarteymi Varist
Viðskipti innlent