„Valdníðsla gagnvart íbúum Flóahrepps“ Magnús Hlynur Hreiðarsson skrifar 4. júní 2019 20:30 Árni Eiríksson, oddviti Flóahrepps. Magnús Hlynur Hreiðarsson. Á fundi sveitarstjórnar Flóahrepps í dag var meðal annars tekið fyrir erindi frá Heilbrigðiseftirliti Suðurlands um átaksverkefnið „Hreint Suðurland“, sem öll sveitarfélög á svæðinu taka þátt í. Af því tilefni lagði Árni Eiríksson, oddviti fram eftirfarandi bókun. „Ágæta samstarfsfólk í sveitarstjórn: Ég hef verið mjög hugsi undanfarna daga varðandi hreinsunarátak sem Heilbrigðiseftirlit Suðurlands er lagt af stað í og var m.a. fréttaefni í Morgunblaðinu þann 22. maí 2019. Eitt er að koma í veg fyrir að hlutir séu heilsuspillandi, mengandi eða hættulegir og þykir mér sjálfsagt að brugðist sé við slíku og eigendur/íbúar hvattir til að gera úrbætur og hef ég trú á að þeir bregðist við því fái þeir ábendingar þar um. Rétt að nefna líka að aldrei hefur verið jafn góð þátttaka í vorhreinsun og nú í vor enda umhverfisvitund almennings mjög að aukast síðustu ár og er það vel. Hitt er annað mál þegar utanaðkomandi aðilar (embættismenn eða nágrannar) ætla að taka sér það vald að ákveða fyrir hönd eigenda lands, lóða, mannvirkja og lausamuna hvað sé þörf á að eiga og hverju skuli farga og telja sig betur bæra til þess en eigandann sjálfan bara af því eitthvað stingur þá í augun( til er ágætis ráð við því og er það að horfa í hina áttina). Heilbrigðiseftirlit Suðurlands sendi svo eigandanum bréf og tilkynni honum hverju hann skuli farga og heimsæki hann í framhaldinu bregðist hann ekki við. Geri eigandinn/ íbúinn ekkert tekur Heilbrigðiseftirlit Suðurlands sér það vald að senda hreinsunaraðila inn á einkaland til að sækja eigur eiganda/íbúa á hans kostnað og telur sig svo geta gengið að eigum hans með lögveði í lóð og fasteign, og getur krafist uppboðs á eigninni, greiði eigandinn ekki reikninginn. Með öðrum orðum sá sem hefur sér til ánægju verið að draga að sér eða kaupa t.d gamla bíla og vélar einhverskonar sem eru í hans augum verðmæti og hafa jafnvel umtalsvert söfnunargildi getur átt von á að missa ofan af sér húsnæðið geti hann ekki borgað verktaka sem sótti eigur hans gegn hans vilja og hendi þeim. Þið verðið að fyrirgefa en mér finnst þetta algalið og alrangt og get ekki sem kjörinn fulltrúi í sveitarstjórn staðið með svona vinnubrögðum og valdníðslu gagnvart íbúum Flóahrepps. Ég óska því eftir að sveitarstjórn Flóahrepps sendi Heilbrigðiseftirliti Suðurlands erindi þar sem við afþökkum samflot við önnur sveitarfélög á Suðurlandi hvað þetta hreinsunarátak varðar og höfnum alfarið að gengið verði að íbúum Flóahrepps með þessum hætti.“Árni, oddviti Flóahrepps, ásamt Hrafnkatli Guðnasyni, sveitarstjórnarmanni og Eydísi Indriðadóttir, sveitarstjóra Flóahrepps. Myndin var tekin á ársþingi Samtaka sunnlenskra sveitarfélaga.Magnús Hlynur Hreiðarsson.Furða sig á framkomu oddvitans Fulltrúar T-listans, sem skipa minni hluta sveitarstjórnar brugðust við með bókun. „Fulltrúar T-listans furða sig á framkomnu erindi oddvita Flóahrepps, Árna Eiríkssonar. Í erindinu leggur oddvitinn til að Flóahreppur kljúfi sig út úr samstarfsverkefninu „ Hreint Suðurland“, en samstaða hafði náðst meðal allra sveitarfélaga á Suðurlandi um að fara í hreinsunarátak undir handleiðslu Heilbrigðiseftirlits Suðurlands. Í erindi oddvita segir að Heilbrigðiseftirlit Suðurland, að undangengnum bréfaskriftum ,,taki sér það vald að senda hreinsunaraðila inn á einkaland til að sækja eigur eigenda/íbúa á hans kostnað og telur sig svo geta gengið að eigum hans ( eigenda/íbúa innskot undirritaðra) með lögveði í lóð og fasteign, og getur krafist uppboðs á eigninni, greiði eigandinn ekki reikninginn.“ Oddviti álítur að vinnubrögð Heilbrigðiseftirlitsins, eins og ritað er í erindinu sé ,,valdníðsla gagnvart íbúum Flóahrepps“. 851 Oddvita er bent á að kynna sér heimildir heilbrigðisnefnda sveitarfélaga vegna ákvörðunar um lóðahreinsun og / eða að láta fjarlægja lausamuni s.s. bílflök, brotajárn og fl. samanber 17 gr. reglugerðar nr. 737/2003 með síðari breytingum. Einnig er oddvita bent á ábyrgð eigenda húss, mannvirkis og/eða lóðar sjá reglugerð nr. 941/2002, 18 gr, 1. mgr., 20 gr. 1 mgr. og 21 gr. Við höfnum því alfarið erindinu.“ Málið var rætt ítarlega og í framhaldi af umræðunni var ákveðið að óska eftir fundi með starfsmanni átaksins og framkvæmdastjóra Heilbrigðiseftirlits Suðurlands. Var það samþykkt með fimm atkvæðum sveitarstjórnar. Flóahreppur Sveitarstjórnarmál Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Lögreglan leitar þessara manna Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Aðstoðaði mann sem festi tvo bíla á hálendinu Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Sjá meira
Á fundi sveitarstjórnar Flóahrepps í dag var meðal annars tekið fyrir erindi frá Heilbrigðiseftirliti Suðurlands um átaksverkefnið „Hreint Suðurland“, sem öll sveitarfélög á svæðinu taka þátt í. Af því tilefni lagði Árni Eiríksson, oddviti fram eftirfarandi bókun. „Ágæta samstarfsfólk í sveitarstjórn: Ég hef verið mjög hugsi undanfarna daga varðandi hreinsunarátak sem Heilbrigðiseftirlit Suðurlands er lagt af stað í og var m.a. fréttaefni í Morgunblaðinu þann 22. maí 2019. Eitt er að koma í veg fyrir að hlutir séu heilsuspillandi, mengandi eða hættulegir og þykir mér sjálfsagt að brugðist sé við slíku og eigendur/íbúar hvattir til að gera úrbætur og hef ég trú á að þeir bregðist við því fái þeir ábendingar þar um. Rétt að nefna líka að aldrei hefur verið jafn góð þátttaka í vorhreinsun og nú í vor enda umhverfisvitund almennings mjög að aukast síðustu ár og er það vel. Hitt er annað mál þegar utanaðkomandi aðilar (embættismenn eða nágrannar) ætla að taka sér það vald að ákveða fyrir hönd eigenda lands, lóða, mannvirkja og lausamuna hvað sé þörf á að eiga og hverju skuli farga og telja sig betur bæra til þess en eigandann sjálfan bara af því eitthvað stingur þá í augun( til er ágætis ráð við því og er það að horfa í hina áttina). Heilbrigðiseftirlit Suðurlands sendi svo eigandanum bréf og tilkynni honum hverju hann skuli farga og heimsæki hann í framhaldinu bregðist hann ekki við. Geri eigandinn/ íbúinn ekkert tekur Heilbrigðiseftirlit Suðurlands sér það vald að senda hreinsunaraðila inn á einkaland til að sækja eigur eiganda/íbúa á hans kostnað og telur sig svo geta gengið að eigum hans með lögveði í lóð og fasteign, og getur krafist uppboðs á eigninni, greiði eigandinn ekki reikninginn. Með öðrum orðum sá sem hefur sér til ánægju verið að draga að sér eða kaupa t.d gamla bíla og vélar einhverskonar sem eru í hans augum verðmæti og hafa jafnvel umtalsvert söfnunargildi getur átt von á að missa ofan af sér húsnæðið geti hann ekki borgað verktaka sem sótti eigur hans gegn hans vilja og hendi þeim. Þið verðið að fyrirgefa en mér finnst þetta algalið og alrangt og get ekki sem kjörinn fulltrúi í sveitarstjórn staðið með svona vinnubrögðum og valdníðslu gagnvart íbúum Flóahrepps. Ég óska því eftir að sveitarstjórn Flóahrepps sendi Heilbrigðiseftirliti Suðurlands erindi þar sem við afþökkum samflot við önnur sveitarfélög á Suðurlandi hvað þetta hreinsunarátak varðar og höfnum alfarið að gengið verði að íbúum Flóahrepps með þessum hætti.“Árni, oddviti Flóahrepps, ásamt Hrafnkatli Guðnasyni, sveitarstjórnarmanni og Eydísi Indriðadóttir, sveitarstjóra Flóahrepps. Myndin var tekin á ársþingi Samtaka sunnlenskra sveitarfélaga.Magnús Hlynur Hreiðarsson.Furða sig á framkomu oddvitans Fulltrúar T-listans, sem skipa minni hluta sveitarstjórnar brugðust við með bókun. „Fulltrúar T-listans furða sig á framkomnu erindi oddvita Flóahrepps, Árna Eiríkssonar. Í erindinu leggur oddvitinn til að Flóahreppur kljúfi sig út úr samstarfsverkefninu „ Hreint Suðurland“, en samstaða hafði náðst meðal allra sveitarfélaga á Suðurlandi um að fara í hreinsunarátak undir handleiðslu Heilbrigðiseftirlits Suðurlands. Í erindi oddvita segir að Heilbrigðiseftirlit Suðurland, að undangengnum bréfaskriftum ,,taki sér það vald að senda hreinsunaraðila inn á einkaland til að sækja eigur eigenda/íbúa á hans kostnað og telur sig svo geta gengið að eigum hans ( eigenda/íbúa innskot undirritaðra) með lögveði í lóð og fasteign, og getur krafist uppboðs á eigninni, greiði eigandinn ekki reikninginn.“ Oddviti álítur að vinnubrögð Heilbrigðiseftirlitsins, eins og ritað er í erindinu sé ,,valdníðsla gagnvart íbúum Flóahrepps“. 851 Oddvita er bent á að kynna sér heimildir heilbrigðisnefnda sveitarfélaga vegna ákvörðunar um lóðahreinsun og / eða að láta fjarlægja lausamuni s.s. bílflök, brotajárn og fl. samanber 17 gr. reglugerðar nr. 737/2003 með síðari breytingum. Einnig er oddvita bent á ábyrgð eigenda húss, mannvirkis og/eða lóðar sjá reglugerð nr. 941/2002, 18 gr, 1. mgr., 20 gr. 1 mgr. og 21 gr. Við höfnum því alfarið erindinu.“ Málið var rætt ítarlega og í framhaldi af umræðunni var ákveðið að óska eftir fundi með starfsmanni átaksins og framkvæmdastjóra Heilbrigðiseftirlits Suðurlands. Var það samþykkt með fimm atkvæðum sveitarstjórnar.
Flóahreppur Sveitarstjórnarmál Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Lögreglan leitar þessara manna Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Aðstoðaði mann sem festi tvo bíla á hálendinu Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Sjá meira