Enski boltinn

Stjóri Leyton Orient og fyrr­verandi varnar­maður Totten­ham er látinn

Atli Ísleifsson skrifar
Getty
Justin Edinburgh, knattspyrnustjóri enska knattspyrnuliðsins Leyton Orient, er látinn, 49 ára að aldri. Edinburgh fékk hjartaáfall síðastliðinn mánudag og andaðist fyrr í dag að því er fram kemur í frétt BBC.

Edinburgh kom liði Orient aftur upp í D-deild ensku deildarkeppninnar á nýliðnu tímabili. Hann tók við liðinu árið 2017, en hafði þá áður meðal annars stýrt liðum Northampton, Gillingham og Newport County.

Á ferli sínum sem leikmaður varði hann lengstum tíma hjá Tottenham Hotspur, en hann spilaði í treyju hinna hvítklæddu á árunum 1990 til 2000 og spilaði með þeim 215 leiki, oftast í vinstri bakverði. Árið 2000 gekk hann til liðs við Portsmouth en yfirgaf suðurstrandarliðið árið 2003.

Edinburgh lætur eftir sig eiginkonuna Ketti og börnin Charlie og Cydnie.

Andlát England

Mest lesið


Fleiri fréttir

Sjá meira


×

Mest lesið