Durant æfði með meisturunum í gær

Óvíst er með þátttöku Kevin Durant, skærustu stjörnu ríkjandi NBA meistara Golden State Warriors, þegar liðið mætir Toronto Raptors í leik sem gæti verið síðasti leikur liðsins á tímabilinu.

Durant hefur verið fjarri góðu gamni í síðustu leikjum vegna meiðsla á kálfa en staðan er orðin ansi svört hjá meisturunum sem eru 3-1 undir í úrslitaeinvígi NBA deildarinnar gegn Toronto Raptors.

Toronto gæti því klárað dæmið í kvöld á heimavelli en stuðningsmenn Warriors liggja á bæn um að Durant verði leikfær.

Hann æfði með liðinu í gær og var Steve Kerr, þjálfari Warriors, vongóður um að Durant gæti tekið þátt í leiknum í kvöld.

#Warriors Kevin Durant heads onto the court at SKOTIABANK Arena for his first practice with the team after the media leaves the floor. pic.twitter.com/PooryYoYoQ

— Mindi Bach (@MindiABC7) June 9, 2019