Lést af sárum sínum eftir að hafa kveikt í sér fyrir utan Hvíta húsið

Þrjátíu og þriggja ára gamall karlmaður, frá Maryland í Bandaríkjunum, lést í dag af sárum sínum eftir að hafa borið eld að klæðum sínum fyrir utan Hvíta Húsið í Washington í gær. NBC greinir frá.

Leyniþjónusta Bandaríkjanna og Lögregla var kölluð til í gær vegna mannsins og var hann færður á nærliggjandi sjúkrahús. Lögregla bar kennsl á manninn, Arnav Gupta, en hefur ekki vitneskju til þess að úrskurða hver tilgangur gjörnings Gupta hafi verið.

Sambærilegt atvik kom upp í apríl en þá kveikti karlmaður einnig eld í sér fyrir utan Hvíta húsið. Atvikið í apríl reyndist þó ekki verða manninum að bana.