Orkan okkar andvíg gegnsæi um orkuverð Aðalheiður Ámundadóttir skrifar 10. maí 2019 06:15 Umræður voru fjörugar á fundinum og þurfti formaðurinn að stýra fundi af nokkurri festu. Fréttablaðið/Stefán „Það er Landsvirkjun, sem þjóðin á, í hag að halda upplýsingum um raforkuverð fyrir sig og það hræðir ekki samningsaðilana að fá upplýsingar um hvað keppinautar þeirra eru að kaupa rafmagnið á heldur er það þeim í hag,“ sagði Frosti Sigurjónsson á fundi með utanríkismálanefnd um þriðja orkupakkann í gær. Frosti var gestur nefndarinnar ásamt nokkrum félögum sínum í samtökunum Orkan okkar. Það var Þorgerður Katrín Gunnarsdóttir, þingmaður Viðreisnar, sem spurði Frosta um afstöðu hans til aukinnar kröfu í orkupakkanum um gagnsæi og upplýsingagjöf um raforkuverð. „Hvort sem við erum sammála um samkeppni á orkumarkaði eða ekki, þá er með orkupakkanum meðal annars verið að þrýsta á gagnsæi og upplýsingaöflun sem skiptir gríðarlega miklu máli varðandi raforkuverð til heimila,“ sagði Þorgerður og bætti við athugasemd um að stórnotendur óttuðust nákvæmlega þetta; aukið gagnsæi, enda geti verið að þeirra samningsstaða gagnvart ríkisfyrirtækjum verði ekki eins góð fyrir vikið. Frosti svaraði Þorgerði með þeim hætti að það væri ekki í þágu hagsmuna þjóðarinnar að gagnsæi ríkti um raforkuverð til stóriðjunnar. „Það er okkur í hag að vera ekki að birta þessar upplýsingar og reyna að ná sem bestum samningum við hvern og einn og standa sterkar aðþessu sem þjóð, þannig getum við fengið hærra verð fyrir orkuna,“ sagði Frosti. Fulltrúar Landsvirkjunar og Landsnets komu einnig á fund nefndarinnar og innti Bryndís Haraldsdóttir, þingmaður Sjálfstæðisflokksins, þá eftir því hverjir hefðu helst hag af því að innleiða ekki orkupakkann. Hörður Arnarson, forstjóri Landsvirkjunar, svaraði því þannig til að ákveðin stóriðjufyrirtæki sæju hag sinn í því að það myndi veikja samningsstöðu Landsvirkjunar gagnvart þeim. Fulltrúar beggja ríkisfyrirtækjanna lýstu því einnig á fundinum að frá því innleiðing evrópska orkuregluverksins hófst hefði samningsstaða þeirra styrkst verulega og arðsemi þeirra fyrir þjóðarbúið aukist. Ekki virtust þó allir gestir nefndarinnar á þeirri skoðun að Landsvirkjun ætti að leita bestu samninga. Þannig gagnrýndi varaforseti ASÍ, Vilhjálmur Birgisson, Landsvirkjun fyrir fyrir mjög hátt verð á raforku til Elkem á Grundartanga. Fundurinn sem stóð frá kl. 13 til 18 var opinn fjölmiðlum. Athygli vakti að enginn þingmanna Miðflokksins var á fundinum en Gunnar Bragi Sveinsson er aðalmaður í utanríkismálanefnd. Varamaður hans í nefndinni er Sigmundur Davíð Gunnlaugsson. Hvorugur þeirra var við þingstörf þegar fyrri umræða um málið fór fram í þingsal en Miðflokkurinn hefur lagst hart gegn því. Eini þingmaðurinn úr hópi þeirra sem lýst hafa andstöðu við málið og sat fundinn í gær var Inga Sæland, formaður Flokks fólksins. Meðal annarra gesta fundarins var fyrrverandi dómari EFTA-dómstólsins og var hann spurður ítarlega um ýmsar fullyrðingar sem deilt hefur verið um í umræðunni hér á landi um orkupakkann. Fulltrúar Orkunnar okkar sátu fyrir svörum nefndarinnar í tæpa eina og hálfa klukkustund. Nokkrir nefndarmenn hrósuðu þeim fyrir skjóta uppbyggingu fjöldasamtaka um málið en brýndu einnig fyrir þeim að vanda sig í umræðunni og halda ekki á lofti villandi eða röngum staðhæfingum. Þorgerður Katrín sagði þetta ekki í fyrsta skipti sem alið er á ranghugmyndum og hræðsluáróðri og rifjaði upp þegar annar orkupakkinn var á dagskrá. Þá hafi forystumenn í Framsóknarflokknum verði lagðir í einelti og ríkisstjórnin öll setið undir miklum ákúrum um að raforkuverð myndi stórhækka og við værum að gefa orkuna frá okkur. Birtist í Fréttablaðinu Orkumál Þriðji orkupakkinn Mest lesið Kýldi konu eftir kynmök: „Hvað, getur þú ekki meira?“ Innlent Slævandi lyf og lágt sætisbak dráttarvélar orsakir banaslyss Innlent Alvarlegt slys í Brúará Innlent Stafræn skírteini hætta í símaveskjum Innlent Íbúar leiti réttar síns vegna flautsins: „Þetta er lýðheilsuógn“ Innlent „Erum ekki dúkkur sem Snorri getur sagt fyrir verkum“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Ásthildur Lóa skammar þingheim Innlent Ein á móti rýmkuðu sorgarleyfi Innlent Fleiri fréttir Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Alvarlegt slys í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Sjá meira
„Það er Landsvirkjun, sem þjóðin á, í hag að halda upplýsingum um raforkuverð fyrir sig og það hræðir ekki samningsaðilana að fá upplýsingar um hvað keppinautar þeirra eru að kaupa rafmagnið á heldur er það þeim í hag,“ sagði Frosti Sigurjónsson á fundi með utanríkismálanefnd um þriðja orkupakkann í gær. Frosti var gestur nefndarinnar ásamt nokkrum félögum sínum í samtökunum Orkan okkar. Það var Þorgerður Katrín Gunnarsdóttir, þingmaður Viðreisnar, sem spurði Frosta um afstöðu hans til aukinnar kröfu í orkupakkanum um gagnsæi og upplýsingagjöf um raforkuverð. „Hvort sem við erum sammála um samkeppni á orkumarkaði eða ekki, þá er með orkupakkanum meðal annars verið að þrýsta á gagnsæi og upplýsingaöflun sem skiptir gríðarlega miklu máli varðandi raforkuverð til heimila,“ sagði Þorgerður og bætti við athugasemd um að stórnotendur óttuðust nákvæmlega þetta; aukið gagnsæi, enda geti verið að þeirra samningsstaða gagnvart ríkisfyrirtækjum verði ekki eins góð fyrir vikið. Frosti svaraði Þorgerði með þeim hætti að það væri ekki í þágu hagsmuna þjóðarinnar að gagnsæi ríkti um raforkuverð til stóriðjunnar. „Það er okkur í hag að vera ekki að birta þessar upplýsingar og reyna að ná sem bestum samningum við hvern og einn og standa sterkar aðþessu sem þjóð, þannig getum við fengið hærra verð fyrir orkuna,“ sagði Frosti. Fulltrúar Landsvirkjunar og Landsnets komu einnig á fund nefndarinnar og innti Bryndís Haraldsdóttir, þingmaður Sjálfstæðisflokksins, þá eftir því hverjir hefðu helst hag af því að innleiða ekki orkupakkann. Hörður Arnarson, forstjóri Landsvirkjunar, svaraði því þannig til að ákveðin stóriðjufyrirtæki sæju hag sinn í því að það myndi veikja samningsstöðu Landsvirkjunar gagnvart þeim. Fulltrúar beggja ríkisfyrirtækjanna lýstu því einnig á fundinum að frá því innleiðing evrópska orkuregluverksins hófst hefði samningsstaða þeirra styrkst verulega og arðsemi þeirra fyrir þjóðarbúið aukist. Ekki virtust þó allir gestir nefndarinnar á þeirri skoðun að Landsvirkjun ætti að leita bestu samninga. Þannig gagnrýndi varaforseti ASÍ, Vilhjálmur Birgisson, Landsvirkjun fyrir fyrir mjög hátt verð á raforku til Elkem á Grundartanga. Fundurinn sem stóð frá kl. 13 til 18 var opinn fjölmiðlum. Athygli vakti að enginn þingmanna Miðflokksins var á fundinum en Gunnar Bragi Sveinsson er aðalmaður í utanríkismálanefnd. Varamaður hans í nefndinni er Sigmundur Davíð Gunnlaugsson. Hvorugur þeirra var við þingstörf þegar fyrri umræða um málið fór fram í þingsal en Miðflokkurinn hefur lagst hart gegn því. Eini þingmaðurinn úr hópi þeirra sem lýst hafa andstöðu við málið og sat fundinn í gær var Inga Sæland, formaður Flokks fólksins. Meðal annarra gesta fundarins var fyrrverandi dómari EFTA-dómstólsins og var hann spurður ítarlega um ýmsar fullyrðingar sem deilt hefur verið um í umræðunni hér á landi um orkupakkann. Fulltrúar Orkunnar okkar sátu fyrir svörum nefndarinnar í tæpa eina og hálfa klukkustund. Nokkrir nefndarmenn hrósuðu þeim fyrir skjóta uppbyggingu fjöldasamtaka um málið en brýndu einnig fyrir þeim að vanda sig í umræðunni og halda ekki á lofti villandi eða röngum staðhæfingum. Þorgerður Katrín sagði þetta ekki í fyrsta skipti sem alið er á ranghugmyndum og hræðsluáróðri og rifjaði upp þegar annar orkupakkinn var á dagskrá. Þá hafi forystumenn í Framsóknarflokknum verði lagðir í einelti og ríkisstjórnin öll setið undir miklum ákúrum um að raforkuverð myndi stórhækka og við værum að gefa orkuna frá okkur.
Birtist í Fréttablaðinu Orkumál Þriðji orkupakkinn Mest lesið Kýldi konu eftir kynmök: „Hvað, getur þú ekki meira?“ Innlent Slævandi lyf og lágt sætisbak dráttarvélar orsakir banaslyss Innlent Alvarlegt slys í Brúará Innlent Stafræn skírteini hætta í símaveskjum Innlent Íbúar leiti réttar síns vegna flautsins: „Þetta er lýðheilsuógn“ Innlent „Erum ekki dúkkur sem Snorri getur sagt fyrir verkum“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Ásthildur Lóa skammar þingheim Innlent Ein á móti rýmkuðu sorgarleyfi Innlent Fleiri fréttir Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Alvarlegt slys í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Sjá meira